Kant: AA I, MEDITATIONUM QUARUNDAM DE IGNE ... , Seite 381

      
           
 

Zeile:

 

Text (Kant):

 

Abbildung (Kant)

 

 

  
  01 cuticula tenuis hkrs in hac figura sibimet relicta statim abiret in figuram globosam      
  02 et, aucta undique hoc pacto crassitie, vi polleret eadem propinquitate      
  03 ac antea aliis se uniendi, necesse est, ut si ipsi haec vaporis nota manere debet,      
  04 in bullulae formam circumvolvatur no. 4, et quidem Zwei Kreise mit einer Geraden verbunden; Verbindungspunkte mit c und d gekennzeichnet; 1. Kreis wird durch eine Gerade e geteilt, deren Schnittpunkte mit a und b gekennzeichnet    
  05 adeo minutae diametri ab et parvulae crassitiei, ut    
  06 distantia punctorum a et b , ad extremitates diametri    
  07 positorum, minor sit distantia be qua haec puncta, vi    
  08 repulsiva aetheris vim attractivam aequiparante, si    
  09 ipsis liberum foret se dilatandi, iuxta se quiescerent.    
  10 In hoc ergo statu bullula expansionem affectabit, et erit elementum vaporis      
  11 elastici, duarum autem bullularum homogenearum distantia cd erit semper diametro      
  12 ab aequalis, ut ex demonstratis patet.      
           
  13
PROP. XI
     
           
  14 Naturam aeris et principii in ipso elastici causam indagare.      
           
  15 aer est fluidum elasticum, millies fere aqua levius, cuius vis expansiva      
  16 calori est proportionalis, et cuius a frigore congelascentis aquae usque ad punctum      
  17 ebullitionis sub eodem pondere atmosphaerae expansio est circiter 1/3 voluminis      
  18 posteriori gradu ipsi competentis. Haec phaenomena nihil habent, quod      
  19 non vaporibus etiam competere possit, praeter hoc solum, quod vapores ut plurimum      
  20 eodem frigoris gradu, in quo aer elasticitatem illibatam servat, consolidentur      
  21 et vis expansivae nullum indicium prae se ferant. Ast si consideraveris,      
  22 subtilitatem cuticulae vaporis in causa esse, ut vel minori caloris gradu elasticitatem      
  23 notabilem exserere possit, patet non statim analogiae vim hic inconsiderate      
  24 et temere deserendam esse, sed periculum potius faciendum, utrumne      
  25 duo genera ex eodem principio deducentes nimia entium multiplicatione supersedere      
  26 possimus. Phaenomena vero, quae coniecturae facem praeferunt, sunt      
  27 sequentia.      
           
  28 Corpora omnia, quae ex appositione particularum minimarum mediante      
  29 oleoso s. salino principio coaluerunt, e. g. omnes plantae, tartarus vini, calculus      
  30 animalis, praeterea plurima salium genera, praesertim nitrum, immensum quantum      
  31 emittunt aeris elastici, si igne valido urgentur, sicut Hales in Statica plantarum      
  32 miris nos experimentis condocuit. Hic aer haud exigua solidae, quicum      
  33 coniunctus erat, materiae pars esse repertus est; in cornu cervi 1/7, in ligno quercino      
  34 fere 1/3, in tartaro vini Rhenani 1/3, in nitro 1/8, in tartaro animali h.e. calculo      
  35 hominis plus quam 1/2 totius massae constituit. Per se patet, aerem ex hisce corporibus      
  36 vi ignis eductum, quamdiu pars massae fuit, aeris nondum naturam habuisse,      
  37 h. e. non fuisse fluidum, elasticitate densitati suae proportionali pollens;      
  38 quippe vel mediocris caloris vi in maius spatium incoercibili conatu expansum      
           
     

[ Seite 380 ] [ Seite 382 ] [ Inhaltsverzeichnis ]