Blatt 13 verso Sp. A
1 Das .3. Capitel
2 Disz .3. capitel sagt vnd leret dich erkenne̅ die
3 vnderscheid zwische̅ de̅ wu̅de̅ vn̅ plutrunsen
4 Jtenmal vn̅d dz ich nun geschryben
5 hon die zeychen der wu̅de̅
6 die da sient doͤtlich oder vntoͤtlich
7 bedunkt mich nit vnzimlich sund`
8 nütz vnd guͦt zuͦ sin zwitrechtikeit
Blatt 13 verso Sp. B
1 den glider verlierunge der wunden
2 vnd bluͦt ransen. die vnderscheide
3 zuͦ erke̅nen die da geschehen in mancherley
4 wiß vnd form Als du hoͤrn
5 würst hie nach volgent. vn̅ och ich
Blatt 14 recto Sp. A
1 Da von ich mancherley red vnde
2 wider red gehoͤrt hon vnd mir vnd
3 andern wu̅d ertzten begegnet ist vn̅
4 noch beschehen mag. Her vm̅ hab
5 ich für genome̅ etwas da von zuͦ schriben
6 vn̅ gedechtnys zemachen doch
7 mit kurtze̅ worten dan vil schrift
8 bri̅gt dem leser verdriessen. dar vm̅
9 ich dise kurtz lere setz Nit denen die
10 da sint wysser clüger vn̅ baß gelert
11 dan ich. Empfyl den selbigen es zuͦ
12 rechtferigen vnd zuͦ straffen die da
13 wol erkenne̅ vnd mercken was vnder scheidtz
14 zwüschen wunden vnd
15 bluͦt runsen sy Aber die da minner
16 küne̅ gelernt oder herfarn hon. das
17 sie soͤllichs gütlich vfneme̅ zuͦ einer
18 lere vnd vngestrafft lassen. vnd
19 das myt guͦtem flys vber lessen vn̅
20 mercku̅g dar vff haben bys vff die
21 stund vnd zyt grüntlicher erfaru̅g
22 so moͤchte ich liden von yn das zuͦ
23 bessern oder recht vertigen. wan es
24 anders not wer. Doch das sie nit
25 meinen es zuͦ bessern vn̅ es baͤssern
26 als der natürlichen bluͦme̅ geschicht
27 so dar vß ein vff sitzende byn yr
28 hung vß sugt. vnd die spin dz gift.
29 V solt wüssen dz da ist groß
30 vn̅ clei̅er vnd`scheid zwüsche̅
31 verlieru̅g der glider vnd der
32 wu̅den vn̅ och ber bluͦtrunsen. wa̅
33 es synt zweyerley verlieru̅g der glider.
34 Vnd zweyerley wu̅den vn̅ zweierley
35 bluͦt runsen Eyn einteil sind
36 groß verlieru̅g der glider dz ander
37 clein verlieru̅g der glider. Also sin
38 och groß vnd clein wunden Och yn
39 soͤlcher wys die bluͦt runsen. Darvmb
40 ist grosser vnderscheid zwysch
41 verlieru̅g der glider/ als da eine̅ ein
42 glid gar ab gehowen ist. als ein arm
Blatt 14 recto Sp. B
1 oder hand. oder ein gleich von einez
2 finger der er nit gantz nottorfftig ist
3 Aber cleiner vnderscheid ist. da eine̅
4 eyn hand gar ab gehowe̅ ist oder die
5 finger. der er doch gantz nottorfftig
6 wer zuͦ siner hantyerung. Dar vm̅
7 ist och grosser vnderscheid zwüsche̅
8 der grossen wunden vnd der cleinen
9 bluͦtrunsen. Vnd cleiner vnderscheid
10 zwüschen der cleine̅ wunden vn̅
11 der grossen bluͦtrunsen. Dar vmb
12 soltu mercken mit flyß die selbigen
13 vnderscheid zuͦ erkene̅. was da ist ein
14 cleine wund oder ein bluͦtrunß oder
15 ein volkomen glid verloren das der
16 mensch nottorfftig sy od` nit. vn̅ wz
17 buͦß oder besseru̅g dar vff stot/ der
18 selbigen herschafft stat land vn̅ lüt
19 gewonheit vnd recht och die ha̅ttyerung
20 deß verwu̅ten. was schaden ym
21 da von vff erston mag/ och die buͦß
22 vnnd besserung der den schaden gethon
23 hat Och den Cyruͦrgy. der da
24 yn ver bunden hat O wie dick hon
25 ich gesehen eynen vnher farnen Cyrurgycus
26 eynen binden. den ich da̅
27 für einen wunden müst erkenen. het
28 yn ein anderer erfarender Cyrrurgicus
29 oder wund Artzet zuͦ dem ersten
30 gebunden Es wer ein bluͦtru̅ß
31 gewessen danocht nit fast groß.
32 Her vmb so bit ich myt hohem
33 vnd mit grossem flyß alle vnd och
34 yetliche wund Ertzet wan ir einen
35 sehen binden der da nit wol versorgt
36 ist sehend an. üwere Eer vnd aller
37 wund ertzet Eer och zuͦ guͦt de̅ wu̅den
38 menschen. gebent im yeman zuͦ
39 der da wüße vnd verste die kunst damit
40 d` mensch enbunde̅ vnd erloͤßt
41 werd grosser pyn vn̅ not so es doch
42 ein werck ist deß almechtigen gotz
Blatt 14 verso Sp. A
1 vo̅ dez wir ale geschaffen vn̅ durch
2 sinen byteren dot erloͤst sin worde̅
3 Jte̅ wer da wunt würt durch die
4 hirn schal vnd das da foͤrna̅ od` an
5 beide̅ site̅ by den schleffen des hoptz
6 das ist ein grose wund.
7 Wer da wunt würt in das hopt
8 nach by d` clunsen das ist mitte̅ des
9 hoptz. vnd doch nit gantz durch. dz
10 ist ein wu̅d aber int groß.
11 Wer da hopt wu̅d würt. vnd nit
12 durch die hirn schaln. Jst es in eine̅
13 kalten land da hon die menschen dick
14 hirn schaln so ist es ei̅ grose bluͦtrunße.
15 ist es aber in einem heissen
16 land als in lumbardia oder in ytalia:
17 so ist es ein cleine wu̅d wan warvmb
18 da habe̅ sie düne hirn schallen
19 vn̅ ist sorg dz sie grissen od` gecleckt
20 sy Ouch schlecht gern ein apostem
21 dar zuͦ. das in kalten landen nit geschicht.
22 Och so soltu merken ob das
23 mit einem scharpfen oder stumffen
24 waffen gehowen oder geschlagen sy
25 Jst es mit einez scharpffen waffen
26 gehowe̅ so ist es ein grose bluͦt runß
27 ist es mit eine̅ stumpffen waffen geschlage̅
28 so ist es ein cleine wu̅d
29 Würt einer hinden in das hobt
30 wund durch die hirn schal das ist
31 ein cleine wu̅d wa̅ war vmb sie ist
32 nit toͤtlich. Als galienus spricht er
33 hab eine̅ gesehen der da wu̅d wz in
34 das hinder teil der hirn schalen vnd
35 durch was. vn̅ im ein teil deß hirns
36 dar vß gieng danocht belib er by de̅
37 leben. aber das geschicht selte̅.
38 Würt einer hobt wu̅t vn̅ berürt
39 die hirn schaln nit. vn̅ ist in eine̅ kalten
40 land da sie dicke hirn schalen haben.
41 so ist es ein cleine bluͦt runß ist
42 es aber yn einem heissen land so ist
Blatt 14 verso Sp. B
1 es ein grosse bluͦt runß. Du solt
2 mercken das al die menschen die da
3 wüne̅ in heissen lande̅ gegen mitte̅tag.
4 haben düne hirn schaln vn̅ moͤgen
5 lichtlich hopt wunt werden so
6 ist es ein groß bluͦt runß Aber alle
7 die gegen mitter nacht wone̅ nid we̅dig
8 des lampartischen gebirges die
9 dicke hirn schalen habe̅ de̅ ist es ein
10 cleine bluͦtruns Dan wa ein wu̅d
11 vff ein du̅e hirn schal gehowe̅ würt
12 so ist zuͦ besorgen die cleckung der
13 hirn schalen. das an der dicken hirnschalen
14 nit geschicht.
15 Würt ei̅er in die stirn wu̅t biß vff
16 die hirn schal das ist ein cleine bluͦtru̅ß
17 ist es aber bi de̅ schleffen bis vf
18 die hirn schal so ist es ein grose bluͦtrunß
19 gar nach ein cleine wund.
20 Würt eym ein Our gehowe̅ dz es
21 ym herab hangt vn̅ würt wider an geheft
22 vn̅ hat dz hobt nit berürt so
23 ist es ein grosse bluͦt runße rüret es
24 aber dz hobt so ist d` gehoͤrd zuͦ sorgen
25 vn̅ ist ein cleine wu̅d. wurt aber
26 die gehoͤrd verlorn so ist es ein grose
27 wu̅d dar zuͦ ein glid verlorn.
28 Würt eine̅ ein Or ab gehowe̅ vnd
29 in dz hobt nit gerürt das ist ein grose
30 wu̅d dar zuͦ ein glid verlorn vn̅
31 ein oͤwig laster wa̅ er mag bedacht
32 werde̅ ym ab geschnite̅ sy diepstals
33 halber. Jst ym aber das Or ab vn̅
34 dz hobt dar mit verwu̅t das ist ein
35 wu̅d dar mit ein glid verlorn.
36 Würt eine̅ ein Oug verwu̅t vnd
37 dem ogen nit schat das ist ein große
38 bluͦt runß Jst aber dez ouge̅ ein v`seru̅g
39 geschehen wie clein dz ist so ist
40 es ein cleine wund ist er aber des gesichtz
41 etwz beropt so ist es ein grosse
42 wund dar zuͦ vmb ein glid.
Blatt 15 recto Sp. A
1 Jtem würt einem die naß verwunt.
2 doch wider anheilt dz ist ein
3 cleyne wund. Jst es aber ein frowebild
4 vnd das wider angeheilt würt/
5 das ist ein wund dar zuͦ ein ewig
6 laster wan sye verdacht werden Ebruchs
7 halben vnderstanden abgeschnite̅
8 zü werden/ ist sie aber ab
9 so ist es ein wu̅d dez man Vnd der
10 frowe̅ ein grosse wu̅d vnd ein glid
11 vnd darzü ein ewig laster.
12 All dieff wunden deß angesichtz
13 bis vff das bein die da nit suber geheilt
14 mügen werden das sint cleine
15 wunden/ aber weliche sufer vnnd
16 rein moͤge̅ geheilt werde̅ ym angesicht
17 dz sin groß blüt runsen dar vm̅
18 so des menschen angesicht zü dez erste̅
19 an de̅ lib beschowe̅ würt.
20 Jte̅ würt einer gestochen durch
21 die backen mit eine̅ dryeckechte̅ od`
22 runde̅ dege̅. das ist ein wu̅d dar zü
23 ein laster Er mag ver dacht werde̅
24 durch die backen gebrent sy.
25 Jtem würt eine̅ der mu̅dt v`wu̅t
26 das ym das kin herab hangt/ dz ist
27 ein cleine wund. werde̅ im aber die
28 fordern zen dar mit vßgehowe̅ daz
29 ist das er lispen würt das ist ein grose
30 wu̅d vnd dar zü ein glid.
31 Jte̅ würt einein der hals hinden
32 v`wunt vberzwerch durch die knoden.
33 vnd das die nücha das ist das
34 durchgonde marck den rücken herab
35 verwunt würt Das ist ein grose
36 wund wan offt spasmus oder der
37 krampf dar von enspri̅gt vnd darnach
38 der dodt.
39 Jte̅ würt einer wunt durch denn
40 hals der rechte̅ syten biß vff die spißroͤre/
41 Jst dan der Cirurgicus guͦt
42 so ist es eyn cleine wund ist er aber
Blatt 15 recto Sp. B
1 vnerfarend so ist es ein grosse wu̅d
2 Jst aber die spis roͤr ver wunt so
3 ist es ein grosse wund/ Würt er aber
4 gestochen mit einem degen vnd
5 hat weder spis_ noch luft roͤr gerürt
6 vnd hat eine̅ güten Cyrurgicus so
7 ist es ein kleine wund. Würt aber
8 der hals verwunt an der lincken
9 syte̅ da mit die luftroͤr berürt ist so
10 ist es ein grosse wund. wurr es aber
11 gehowe̅ durch die gros gies ader an
12 dem hals. vnd hat ein gütte̅ Cyru.
13 so ist es ein cleine wund/ Jst es aber
14 an de̅ hals durch hut vnd fleisch
15 dar mit gewunt zweyr rocken helm
16 dyeff. dz ist ein grosse blütru̅ß/ Jst
17 aber der Cyrugicus güt so ist es ein
18 cleyne bluͦt runß.
19 Jte̅ würt einer wu̅t durch die oͤbern
20 teil der achseln zwen zwerch finger
21 von dem hals. vn̅ ist die wund nit
22 fast beinschroͤttig/ hinde̅ oder forne̅
23 das ist eyn cleine wund. ist sie aber
24 durch das bein. oS ist es ein grosse
25 wund. Jst aber hut vnd daz fleisch
26 wol wunt vn̅ doch das bein nit verrürt.
27 so ist es ein grosse blüt runße
28 Jst aber d` Cirurgicus güt so mag
29 es ein cleine blütrunß syn.
30 Würt aber die achsel oben durch v`wunt
31 dry oder fier zwerch finger vo̅
32 dem hals das ist eins dumen breit
33 vnder der achseln. vnd ist nit durch
34 dz bein das ist ein cleine wund ist d`
35 cyrurgicus guͦt. ist es aber durch dz
36 bei̅ vnd der Cyruri. nit guͦt so ist es
37 ein grosse wund dar zü ein glid.
38 Jtem würt einer wu̅t einer hend
39 breit nidwe̅dig d` achseln vnd einer
40 hend breit obwendig des ellenboge̅
41 überzwerch das ist ein cleine wund
42 Jst sie aber den langen weg so ist es
Blatt 15 verso Sp. A
1 ei̅ grosse blüt runß ist es aber durch
2 das bein schlims das ist ein grosse
3 wund vnd gar nach vmb ein glid
4 dar nach der Cyrurgicus ist
5 Jte̅ würt einer v`wunt zwe̅ zwerch finger
6 hinder dem Elnboge̅ vnnd
7 zwen zwerch finger inwenig des ele̅bogen
8 das ist ein wund/ wann warvmb
9 es ist gerad gegen dem geleich
10 wan vor de̅ geleich hangt der schilt.
11 Das ist die spitz des elenbogenn.
12 Würt er aber wnut in den ele̅boge̅
13 das ist die spitz. ist d` cirurgicus guͦt
14 vnd nit gantz durch die spitz/ so ist
15 es ein grosse pluͦtrunß. oder gar eyn
16 cleine wund. Rüret aber die wund.
17 inwenig vnnd obwenig des schiltz.
18 so ist ein grosse wund. Jst aber das
19 knoͤdel inwenig oder oben vff dem
20 arm verwu̅t/ das ist ein cleine wu̅d
21 so der cirurgicus guͦt ist. Du solt
22 auch mercken das der mensch viererlei
23 gleych hat/ von den zweien. so
24 die verwunt werden. so moͤgent lemung
25 vnd verlierung der gelyder
26 kumen/ vnd groß wunden genant
27 werden/ vnd von den anderen zweien
28 geleichen die moͤgent zu zittenn
29 ein teil oder gar nah gar ab gehauwen
30 werden. vnd kein wunde̅ noch
31 lemu̅g/ od` v`lierung der gelider werden.
32 so der cirurgicus guͦt ist in siner
33 practica. Das erst gleich des me̅schen
34 ist in der hirnschalen/ vn̅ gat
35 in ein ander wie ein seg Das mag
36 v`wunt werden vnnd kein lemung
37 oder v`lierung eins glids do werden
38 Das ander gleich ist der boltz des
39 arms der hüfft die do ingont in ein
40 hüle einer schüsselenn/ do moͤgent
41 grosse wunde̅ lemung vnd v`lieru̅g
42 der gelider werdenn. Das dritte
Blatt 15 verso Sp. B
1 geleich ist wie ei̅ viergehe̅ckter schilt
2 zuͦ beschirme̅ die innere̅ geleich darzuͦ
3 ei̅ hübsche gestalt vn̅ figur zuͦ gebe̅
4 vn̅ das ist der spitz hinder den ele̅bogen
5 vnd knoͤdlin by der hant. by
6 den wurtzelenn der finger vssen vff
7 der hand/ knü schybe̅/ vnd knoden
8 vssen vnd inne̅ der füß. vnd die moͤgent
9 v`wunt werden vnd abgehauwen
10 on lemung vnd v`lierung der
11 gelider/ ob der cirurgicüs guͦt ist.
12 Das vierde teil ist wie ein thür angel
13 do zwische̅t das gelid wachß vn̅
14 das sint die elenboge̅ vn̅ die gleich d`
15 hant finger vn̅ füß vn̅ zehe̅ wa̅ die
16 v`wunt werden do moͤgent groß wu̅den
17 lemung vn̅ v`lieru̅g der selben
18 gelider werden. Doch ein vil grosser
19 dan die andern/ nach dem es an
20 eim gelid ist oder des hantieru̅g ist
21 der do v`wunt ist. Wan war vm̅ etliche
22 hantwerck sint des geleichs der
23 elenbogen vn̅ der hend noturfft etlich
24 d` knü d` füß/ etlich der fordere̅.
25 etlich d cleine̅ fi̅ger noturfft Würt
26 ein v`wundu̅g zwische̅t dem elboge̅
27 vn̅ d` handvberzwerch vßwenig dz
28 ist ei̅ cleine wu̅d ob d` cirurgi. guͦt ist
29 Jst sie aber inwenig das ist ein grosse
30 wund. Jst sie aber den lange̅ weg
31 inwenig oder vßwenig/ on̅ die nerui
32 nit v`wu̅t sint/ so ist es ein grosse
33 pluͦtrunß. Würt ein v`wundug in
34 das geleich der hant vßwenig vn̅ inwenig
35 das ist ei̅ grosse wu̅d Jst abe
36 das bei̅ me dan halb durch/ so ist es
37 ei̅ grosse wu̅d dar zuͦ vm̅ ei̅ gelid dz.
38 selbe̅ gliche̅ auch in de̅ elenboge̅ achsele̅n
39 hüfft vn̅ enckel des fuͦß. würt
40 ei̅ v`wundu̅g vberzwerch vßwenig
41 vff der ha̅t durch die aderen biß vff
42 das bein das ist ei̅ wu̅d dar zuͦ v`lieru̅g
Blatt 16 recto Sp. A
1 etlicher glider. ist sie aber durch
2 die bein/ so ist es ein grosse wu̅d dar
3 zuͦ ein houp gelidt v`loren. Jst aber
4 die wund inwenig vberzwerch darnach
5 sie tief ist dar nach ist die wu̅d
6 Jst sie aber vßwenig od` inwenig de̅
7 lange̅ weg ga̅tz durch die hant das
8 ist ein cleine wund vnd kein lemu̅g
9 nach verlierung d` glider ob der cyrurgicus
10 guͦt ist. Geschiht ein v`wu̅dung
11 durch die finger vberzwerch
12 der rechte̅ ha̅t der zweie̅ foͤrdersten
13 finger od` des dume̅/ sint sie durch
14 das ist ein grosse wund. dar zuͦ vm̅
15 ein glidt. Jst es aber an der lincken
16 hant/ so ist es ei̅ grosse wu̅d. dar zü
17 lemung. Jst es aber an der rechten
18 ha̅t die zwe̅ hindersten finger. so ist
19 es ein wu̅d/ vn̅ vmb ein clein glidt
20 Du solt auch mercken mit fliß. an
21 was personen solich wunde̅ der he̅d
22 sint. Darnach sollent die wunden
23 lemu̅g vn̅ glider geschetzt werdenn
24 vnd ob es sy an der rechte̅ oder lincken
25 hant. Du solt ouch wissen das
26 zuͦ zitten grosse irru̅g vn̅ zwitrechtikeit
27 vff erstatt in den wunden der
28 hend/ ob es vm̅ ein gantz gelid oder
29 ein teil eines glides sy. oder ein ware
30 leme/ oder ein halbe leme. Oder ob
31 es ein wund sy oder plütrunß/ da
32 muͦstu gar subtilichen vff mercken
33 habe̅ wie du das erkenne̅ vnd vrteilen
34 solt/ wann grosser zwifel da ist.
35 Du müst ansehen was glides da
36 wunt sy. ob es vmb die gantze̅ hant
37 oder vmb den duͦmen/ oder die zwe̅
38 foͤrderstenn/ oder hindersten finger
39 sindt. Oder was hantwercks d` kan
40 der der do gewunt ist/ Oder ob es
41 an der rechten oder lincken hant sy.
42 Ob er auch vor gerad oder lam sy
Blatt 16 recto Sp. B
1 gewesen/ ob er warhafftig oder lügenhafftig/
2 oder ein betriger ist. Dz
3 soltu also v`stan ob einer v`wu̅t ist/
4 vn̅ der gantz arm abgehauwen od`
5 lam wer/ das er in der achselen nit
6 vffgehaben oder bewegen moͤcht.
7 oder do eyner in den elenboge̅ v`wu̅t
8 ist/ vn̅ in nit gebiege̅ strecken nach
9 bewege̅ mag. Od` do eine̅ dz geleich
10 zwische̅ dem arm vn̅ der hend verwunt
11 ist. das er die hant vn̅ dar zuͦ
12 die finger nit gebruchen noch bewewen
13 noch geübe̅ mag. doer do einer
14 in das bret der hend od` finger wu̅t
15 würd/ das eim die finger ein teil od`
16 alle mit ei̅ ander/ oder der düm. die
17 foͤrderste̅ od` die hinderste̅ lam würden
18 vn̅ sie nit gestrecken oder gebiegen
19 oder geüben moͤcht. Du solt
20 ouch mercken wz hantwercks oder
21 gewerbes er ist. Ob er des gantzenn
22 arms/ oder des elenboge̅/ oder des
23 geleiches by der hend noturfig sy. Oder
24 ob er des duͦmenß/ der foͤrderste̅
25 oder hindersten finger noturfftig sy
26 ob er sin hantwerck mit beide̅ oder
27 einer hant triben moͤg/ vn̅ ob einer
28 linx od` rechtz sy Vn̅ ob er ein grob
29 oder subtilig ha̅twerck tryb oder getribe̅
30 hat/ ob er grob oder subtilige
31 gelider hab. Oder ob er vor gerad oder
32 lam. krum. oder starcke gelider
33 hab. Dz soltu ebe̅ erkenne̅ an dem
34 wider teil. dz ist der ander arm oder
35 ha̅t/ dar an er nit wu̅t ist. Jn disen
36 sachen soltu flissige vffmercku̅g haben
37 zuͦ erkenne̅ wz ein ga̅tz oder notturfft
38 gelidt sy. oder ein halb gelidt
39 od` nit ga̅tz notturfft ist Des glichen
40 ein gantze lemunge. od` ein halbe
41 lemung. od` ob es ein pluͦtrunß sy.
42 Wan war vm̅. ein schmidt wagner
Blatt 16 verso Sp. A
1 zimer ma̅ vnnd was mit de̅ swere̅
2 hamer/ oder werck ge zeug arbeyt.
3 vn̅ der geleiche̅ die do mit dem gantzen
4 arm arbeite̅ sint noturftig der
5 achselen bewegu̅g vn̅ des oͤbersten
6 geleichs wo das v`sert würt. das ist
7 den selbigen ein grosse lemu̅g vn̅ beroubung
8 eins glides. Ein schnider
9 kürsner schuͦmaccher vnnd seckler
10 vn̅ des gelichen die do vast mit dez
11 elenbogen arbeiten/ sint noturfftig
12 der bewegu̅g biegung vn̅ streckung
13 des elenbogens wo das v`sert würt
14 Jst in ein grosse lemung vn̅ beroubung
15 des selbige̅ gelides. Des selbigen
16 geleichen gar nah alle hantwerck
17 wan die wu̅t werde̅ in das geleiche̅
18 der hend vnnd finger wann
19 sie die nit gevben gestreckenn noch
20 gebiegen mügen/ ist in ein grosse lemu̅g
21 vn̅ beroubu̅g des gelids doch
22 so ist ein vnderscheit dar zwischent
23 Als so ein keuffman wu̅t würt od`
24 ein louffer oder roller od` koch oder
25 keller/ der sin gantze hantierüg nit
26 mit der gantzen hend tribet. das ist
27 ein lemu̅g aber nit ein große beroubu̅g
28 eins gelids. Ein snider scherer
29 siden sticker golt smidt vn̅ des gelichen
30 die bruche̅t die foͤrdern finger
31 so die v`wunt werde̅ Jst in ein grosse
32 lemu̅g vn̅ beroubu̅g des gelids.
33 Aber ein wesler oder schaffner der
34 mit gelt vm̅ gat zu zelen/ oder eyn
35 bwman d` dz getreit seyen solle. vn̅
36 des geliche̅. Ob in die zwe̅ minsten
37 finger v`wunt werde̅. Jst in ein lemu̅g
38 vn̅ beroubu̅g des selbe̅ gelids
39 Des glichen ein wülle̅_ oder linenweber/
40 ein sidensticker. wa̅ inen die
41 linck hant v`wunt würt. so ist es in
42 als ein große lemu̅g als eine̅ a̅dern
43 in die recht hant wa̅ sie tribe̅t ir ha̅twerck
Blatt 16 verso Sp. B
1 mit beiden hendenn gelich.
2 Du solt auch mercke̅ wz ha̅twerg
3 od` wesen er tribz. ob er grob od` rüh
4 arbeit tuͦt od` gethon hat/ wan warvm̅
5 vil d` mensche̅ sint die do kru̅p
6 oder halber lam sint wan sie wunt
7 werden/ das du alles beschowe̅ solt
8 an sinem widerteil d` gesunde̅ glid`
9 dz ma̅ meint die lemung od` krumung
10 vo̅ der wunde̅ sy dz im vo̅ naturen
11 od` siner arbeit halb ist vnnd
12 würt betrogen der solche wunde̅ lemu̅g
13 gelid erkenne̅ oder schetzen sol
14 Du solt mercken ob er vor an
15 dem glid wu̅t ist gewesen oder nit
16 ob er gerad sy gewese̅ oder nit. Des
17 gliche̅ ob er mit vnwarheit vm̅ gat
18 Dan ich hab gesehe̅ etwa̅ manche̅
19 der do sprach im werent die finger
20 krump vn̅ la̅. vn̅ künt sie weder biegen
21 noch strecke̅. Vn̅ etlich ander
22 sie were̅t in strack vn̅ kunte̅t sie nit
23 gebigen vff dz ma̅ erkenne̅ solt eyn
24 große wu̅den vn̅ lemu̅g Dz im d`selbig
25 der im den schade̅ tho̅ hat dester
26 me gelt vn̅ buͦß vnnd besseru̅g
27 tho̅ solt Do ich solches mercket gebot
28 ich der wid` partygen güttiglich
29 mit im zuͦ v`trage̅ e* d` vßspruch od`
30 vrteil der lemu̅g od` des gelides geschehe.
31 Der vbertrag geschah. Jn
32 kurtzen tagen besah ich die wunde̅
33 aber/ do erzeüget er sich gantz gerad
34 vn̅ geleichnig sin/ dem doch kein artzeny
35 dar zwischen geschach. Darvm̅
36 ist min rat. das ein soͤlcher verdachter
37 zuͦ besehen in der wundenn
38 vn̅ allen wunde̅/ müß swerenn liplich
39 zuͦ got vnnd zuͦ den heilgen die
40 warheit zú sage̅ was man in frage̅
41 würt. Vn̅ ob er vor gerad oder vngerad
42 gewese̅ ist auch dz er keinerlei
43 lemikeit mit generde̅ vo̅ im gezeüg
Blatt 17 recto Sp. A
1 werde. Jst er aber licht an zuͦ sehen
2 das im der eyt nit wol zuͦ getrwen
3 ist/ so gebüt der widerparty mit im
4 vor zuͦ vberkume̅ vn̅ dar zuͦ swere
5 vnd din vrtel gebe̅ ob ma̅ dz habe̅
6 wil ob er wu̅d od` pluͦtru̅ß ist. Wa̅
7 grosse irrung vn̅ zwitrechtikeit darmit
8 nider geleit werdent/ die sunst
9 vff ersto̅t. Würt aber einer gewu̅t
10 forn in die brüst biß vff dz bein dz
11 ist ein pluͦt runß ob er ein guͦtten cirurgi.
12 hat. Würt er aber gestochen
13 mit einem cleine̅ degen by dem linken
14 dütte̅ oder dar zwische̅ biß hin
15 hinder vnder den lincken arm. das
16 ist ein grosse wu̅d. ob es nit me dan
17 zwen zwerch finger tieff ist/ wa̅ das
18 hertz i̅ der selbe̅ site̅ lit. würt er aber
19 schelchs obe̅ ab gestoche̅ das ist ein
20 cleine wu̅d. Würt aber einer schelh
21 vbersich vff gestoche̅/ dz ist ei̅ große
22 pluͦt runß. Würt er aber oben ab i̅
23 der rechte̅ site̅ gestoche̅ by de̅ rechte̅
24 dütten/ od` schlechtz insich/ dz ist ein
25 cleine wund. Würt er aber schelß
26 vbersich gestoche̅ zwische̅ hut vnd
27 fleisch dz ist ei̅ große pluͦtru̅ß. ob er
28 ei̅ guͦtte̅ wu̅dt artzet hat. Würt einer
29 gestoche̅ .2. zwerch finger tieff dz
30 ist von dem hertz grüblin/ Vn̅ ist
31 der mag wu̅t .3. zwerch finger abwenig
32 des nabelß biß vff de̅ mage̅/
33 dz ist ei̅ cleine wu̅d. hat er ein guͦtte̅
34 wu̅d artzet so ist es ei̅ groß pluͦt ru̅ß
35 würt einer gestoche̅ in die lincke̅ syte̅
36 abwenig d` weiche biß vff die rip
37 dz ist ei̅ große pluͦt ru̅ß. so d` wu̅d artzet
38 guͦt ist. Gat es aber zwische̅ die
39 rip vn̅ doch nit in die hüle des libes
40 so ist es ei̅ cleine wu̅d/ ob der artzet
41 guͦt ist. Gat es aber in die hüle/ so
42 ist et ei̅ große wu̅d. Würt ein man
Blatt 17 recto Sp. B
1 gestoche̅ in die lincke̅ siten in wenig
2 der weiche/ dz ist ei̅ groß pluͦt runß
3 ob es nit durch gat vn̅ der wu̅d artzet
4 guͦt ist. Des gliche̅ in d` rechte̅
5 siten inwenig der weiche biß vff die
6 bein od` hüfft/ dz ist ein groß wund.
7 da̅ in der rechte̅ site̅ lit die leber vn̅
8 die blaß. Würt einer gestochenn .3
9 zwerch finger obe̅ vo̅ dez nabel biß
10 vff die macht/ dz ist ei̅ grosse wund
11 vnd ist vbel dar vber zuͦ vrteilenn
12 er sy dan vor heil. dan groß zwifel
13 dar an lit. Jst es aber slimß vndersich/
14 dz ist ei̅ cleine wu̅d. Jst es aber
15 schelß vbersich so ist es ei̅ groß pluͦtrunß.
16 Würt ein ma̅ durch stochen
17 od` gera̅t wz das ist dz findestu i̅ de̅
18 foͤrdern capitel geschriben vo̅ de̅ zeiche̅
19 d` gesu̅theit vn̅ des todes. würt
20 einer v`wundt hinden in dem rücke̅
21 vn̅ ist die wu̅d den lange̅ weg/ vnd
22 nit durch biß in die hüle des libes/
23 dz ist ei̅ große pluͦtrunß/ ist sie aber
24 durch so ist es ei̅ cleine wu̅d. Jst sie
25 aber vberzwerch durch den rücken
26 vn̅ ist durch so ist es ein große wu̅d.
27 würt einer gestoche̅ in den lip. dz ist
28 gar helleckliche̅ zuͦ iudicieren ob es
29 ein toͤtliche wu̅d sy/ oder ob sie groß
30 oder clein sy. od` ob es ei̅ groß od` clei̅
31 pluͦtrunß sy. Es sy dan einer by de̅
32 lincken arm od` dütten in gestoche̅.
33 oder an der rechten site̅ inwenig der
34 weiche als ich vor geseit hon von de̅
35 hertzen vn̅ der blasen Vnd dz hertzgrieblin
36 ist des mage̅ munt biß vff
37 den nabel. vn̅ vo̅ dem nabel. biß vf
38 die macht. Da zwische̅ lit der magen
39 des grossen vn̅ cleine̅ gederms.
40 was do zwischen wu̅t oder̉ gestoche̅
41 würt. das sint zuͦ dem merern teil
42 wunde̅. Doch muͦstu vffmercku̅g
Blatt 17 verso Sp. A
1 habenn ob der stich schlechtz oder
2 schlimß in gat. Würt einer gewu̅t
3 in die hüfft hinden oder fornen biß
4 vff das knü/ so richt dich de̅ wunde̅
5 nach vo̅ d` achselen biß vff die knü.
6 Würt er aber wu̅t i̅ ei̅ knü/ do richt
7 dich der wunden nach by dem elenbogen.
8 Jst er aber ein bot oder einer
9 hantieru̅g dz er sich vil bücken ston
10 od` go̅ muß. So ist es ei̅ große wu̅d
11 dar zu ein glidt. Jst aber die wund
12 vo̅ dem knü biß vff die füß/ das vrteil
13 auch dem selben nach. Aber in
14 warheit ein wund vberzwerch des
15 fuͦß an dem end deß beinß. das ist ei̅
16 grosse wu̅d. Würt aber einer wu̅d
17 in das bret des fuͦß od` der zehen/ do
18 ist seltenn ein wund oder lemunge.
19 Ach dem ich offt vnd dick
20 gemeldet ho̅ ei̅ groß od` clei̅
21 wunde̅/ des gelichen große
22 od` cleine pluͦtrunßen vnd was do
23 ist v`lieru̅g eines gelids/ od` lemu̅g
24 das do notürfft od` nit noturfft ist.
25 Das soltu also v`ston. ist ein große
26 wunde beinschroͤtig od` doͤtlich davon
27 ei̅ lemu̅g od` ewiger schad dem
28 gewunte̅ an sim lib/ an siner er/ gesu̅theit/
29 an siner hantieru̅g hindern
30 mag. Aber ei̅ cleine plut ru̅ß ist do
31 eine̅ die hut biß vff dz fleisch v`wu̅t
32 ist vn̅ on masen oder linck zeichen
33 geheilt mag werde̅. Aber ein cleine
34 wu̅d ist do einer wu̅t ist vn̅ nit die
35 notturftige̅ od` die nutzbarste̅ glid`
36 od` gleich v`wu̅t werde̅ dz sie etwz la̅
37 sint. doch nit ei̅ ga̅tze hinderu̅g siner
38 ha̅tieru̅g ist. Vn̅ ob er ei̅ guͦtten cyrürgicüs
39 het das er noch ga̅tz gerad
40 würt Ein große pluͦtrunß ist do eyner
41 verwu̅t/ vn̅ vo̅ der v`wu̅dung
42 ein große maß entpeaht. besund` im
Blatt 17 verso Sp. B
1 a̅gesicht/ vn̅ da mit die aller vnutzbarste̅
2 gelid` etwas geletzt doch nit
3 lam. Aber von eine̅ boͤßen cirurgi.
4 mag lam geheilt werden. O wie vngelich
5 grosser vn̅ cleiner vnd`scheit
6 ist zwische̅ v`lieru̅g eines gelids. also
7 do eim ein arm ha̅t oder clein finger
8 oder zehe abgehawe̅ würt. oder
9 do eim ein or fry on verwu̅du̅g des
10 houptz ab gehawen würt. od` frawe̅bild
11 die naß ab geschnittenn. da ist
12 grosser vn̅ cleiner vnder scheit. aber
13 zwischen d` grossen wunden vn̅ cleinen
14 pluͦtrunsenn ist grosser vnderscheit/
15 Also ist auch do eim ein finger
16 od` geleich/ od` ha̅t vo̅ eine̅ arm
17 od` zehe̅ ab gehaw[?] würt. Aber cleyner
18 vnderscheit ist zwischenn einer
19 grossen pluͦtrunßen vn̅ einer cleine̅
20 wunde̅/ also ist ouch cleiner vnderscheit
21 zwischen v`lieru̅g eins ab gehawenen
22 a[?]r nit berürte̅ houptz od`
23 ab gehawe̅ nasen der frawen. Das
24 ist nit eim ieden allein vß zuͦ sprechen
25 i̅ den cleine̅ vnd`scheite̅/ dan ma̅
26 muͦß ansehe̅ die personen vor auch
27 gemelt wz buͦß od` besseru̅g dar vff
28 stat des selbige̅ lands od` herschaft
29 Dar vmb vnderwint dich nit lichtiglichen
30 solcher sachen allein vßzu sprechen/
31 Anders du magst verdacht
32 werden/ Entpfilh das zweie̅
33 oder dryen Wan zuͦm dickern mal
34 ein große pluͦtru̅ß für ein cleine wu̅den/
35 vnnd ein cleine wund für ein
36 grosse zluͦtrunßen. des gelichen ein
37 verloren gelid oder lemüng geben
38 würt/ Vrsach halbenn die nit alle
39 not hie zuͦ erzelen sint.
Blatt 18 recto Sp. A
1 Das erst capitel des andern tractatz
2 Nach dem ich mit hilff des almechtigen gottes
3 volbracht hon disen ersten tractat. Rieff ich an sin eingebornen sun ihm̅
4 cristum sin barmhertzikeit mir zuͦ v`lihen disen andern tractat zuͦ machenn
5 alle wünden in einer gemeinen lere wie die geschehen zuͦ helen vn̅ zuͦ curiere̅.
6 Das erst capitel dises andern tractatz seit in welchen weg die wundenn
7 geschehen vnd was ein wund ist
Blatt 18 verso Sp. A
1 Als ich nun geschriben hon mit
2 der hilf gotz/ die geschicklikeit wesen
3 vnnd sittenn des cirurgicus/ dar zuͦ
4 die zeichen der wunden des genesens
5 oder sterbens/ vnderscheit der wu̅den
6 vn̅ bluͦtrunßen. lemu̅g od` verlieru̅g
7 der glider gebürt die noturft
8 mit kurtzen worte̅/ doch v`stentlich
9 in der gemein zuͦ schriben von den
10 wunde̅ wie die geschehen/ e dan das
11 ich kum zuͦ den besundern vn̅ eintzlichen
12 glidern. wie oder in welchen
13 weg die sint als genuͦgsam offenbar
14 ist. mit waffen stechen schiessen kolben
15 oder andern instrumente̅ geslagen/
16 gefallen/ gestossenn/ oder von
17 eym vergifftigen thier gebissen ist.
18 Wan war vmb/ ein wund ist eyn
19 vffloͤsu̅g des gantzen frischen pluͦtrichen
20 fleisches. vnd die geschiht vn̅
21 ist in fillerley wyse vn̅ form als da̅
22 in .2. fen primo. Auice̅. sez vulnus
23 Das ist ein frische wunnd. Vlcus
24 das ist ein alte wund oder schaden
25 die ietz fullet oder eitert/ apertura
26 das ist ein vff thuͦnung eins schade̅
27 Punctura ist ein stechung. Jncisio
28 ist ein schnidu̅g. Euulsio ist eyn vß ziehu̅g.
29 Fractura ein brechu̅g. Vn̅
30 sint alle ein geschleht vn̅ gestalt der
31 wunden/ wie wol sie vnd`scheit hon
32 in den name̅. so sint sie doch anhangen
33 den frischen wunden Wan zuͦ
34 zitten würt einer wu̅t allein durch
35 die hut biß vff dz fleisch Etwa̅ nit
36 allein durch das fleisch sunder ouch
37 durch die hut nerui/ vena/ vnd artera.
Blatt 18 verso Sp. B
1 Etwa̅ das gebein da mit. vnd
2 zuͦ zitten die carthilago das do sint
3 die kroͤstelin der nasen oder orenn.
4 Etwan würt das ein teil oder ga̅tz
5 ab gehawen. Des selbigen geliche̅
6 geschicht auch der wunden in dem
7 fleisch. Etwan würt einer gehowe̅
8 mit einem swert. mit einem degenn
9 Oder geschoßen mit einem pfil oder
10 büchsen. Etwan ist das ysen oder
11 klotz her vß. Etwan steckt es noch
12 darin. Das puluer auch etwa̅ darin.
13 Etwan ist das geschehen mit einem
14 gelipften pfil. des gelichen mit
15 einem v`gifften waffen. Etwann so
16 würt einer geschlagenn mit einem
17 kolbenn. mit eim stein. oder das fellet
18 vo̅ einer hoͤhin das im das flesch
19 vnnder der hüt zerbricht oder zerknytschet
20 vnd die hut sich oͤffnet. nit
21 allein das fleisch sunder auch dz gebein
22 vberzwerch entzwei brichet od`
23 den langen weg Rüset zersprisselt
24 etwa̅ in cleine etwan in grosse stücklin.
25 Alle dise puncten vn̅ articikel
26 sol der wund artzet in siner gedechtniß
27 habe̅. vn̅ mit grossem fliß
28 dar vff mercke̅ wie oder in welchen
29 weg die geschehen sint. Auch die zuͦfel
30 die do sint zuͦ gegen od` beschehe̅
31 moͤgen. Als do ist der vberfluß des
32 pluͦte̅s vß d` arteria od`er puls ader
33 sprige̅ od loffen ist ob ein aoste̅n discrasia
34 febres spasmus parlis sincopis
35 so du diser sach vnd`richt bist ist
36 zyt zuͦ gon zuͦ wirckung der hende
37 vnd disse züg zuͦ haben.
Blatt 18 verso Sp. C
1 Das ander capitel des andern tractatz was
2 gezügs der cirurgicus haben sol.
3 Jtem welche instrument vnd gezüg von silber. messig. ysen sint ist alle notturftig
4 dem cirurgicus Doch die gemeinsten wie wol vil vnd mancherley gebrucht
5 mag werden von iserin instrumenten. sint nit alle noturft hie zuͦ nemen
6 vmb kürtzerung vnd verdrieß des lesers.
Blatt 19 recto Sp. A
1 Zu dem ersten gebürt zuͦ haben schermesser das har da mit ab zuͦ schere̅/ des
2 gelichen da mit zuͦ schnidenn. dan die notturfft das erheischet Dar nach ein
3 grossen bad schwamen das pluͦt won der wundenn zuͦ weschenn vnnd reinige̅.
Blatt 19 verso Sp. A
1 nit mit dem wasser als etliche
2 doͤricht wund artzet tuͦnd. doch vß
3 vnwissenheit die hinderung der heilung
4 des wassers geschit. Du solt
5 auch haben zwuͦ scheren da mit zuͦ
6 schnidenn etliche vberflüssikeit der
7 hut oder des fleisches. dar zuͦ die gegeben
8 Die ander scher welche ußwenig
9 sniden sol/ Jn eine̅ ror ist die
10 enge̅ wunde̅ in dem vßziehe̅. die hinder
11 teil der scheren zuͦ same̅ getrügt
12 witer zuͦ sniden nach dine̅ begeren/
13 so sie dar in gestosen ist. soliche sniden
14 de̅ mensche̅ vnwiss en geschicht
15 vff dz der mensch solicher sorg vnd
16 schrecken ledig sy Du solt habe̅ ein
17 subtilige sege̅ mit einem stehelin bogen
18 mit ab zuͦ sniden die bein oder
19 arm Als zum dickern mal geschiht
20 dz eym ein hant ab gehawen würt/
21 die vngeliche oder spitzigen teil der
22 roͤren da mit zuͦ glichen vnd zuͦ ebnen.
23 Soliche pletter der segenn nieman
24 müglicher ist zuͦ erkenne̅ vnd
25 zuͦ machen dan eine̅ würffler. Du
26 solt auch habe̅ subtilige cleine hecklin
27 zweierley gestalt. etlichs ei̅feltig
28 etlichs zwifeltig da mit vff zuͦ hebe̅
29 die adernn/ oder anders als die notturfft
30 erheischet. Dir gebürt auch
31 zuͦ habenn v`suͦch isen/ eines groͤsser
32 dan das ander. etlichs von silber etlichs
33 von ysenn Etlichs in der leng
34 anderhalb spanne̅ die dicke eins rocken halmß.
35 An beide̅ orte̅ berlin oder
36 subtilige runde knoͤpflein/ mit
37 zuͦ v`suͦchen die leng vnd dieffe der
38 wunde̅. stich. vnd geschoß ob dz yse̅
39 drin oder druß ist Du solt ouch haben
40 dryerlei form stehelin hefftnole̅
41 etlich rund subtil gelich den gemeinen
42 nalen da mit zuͦ zehefftenn die
Blatt 19 verso Sp. B
1 wunden des angesichtz. vff das die
2 mol oder lincke zeichen dester subtiliger
3 erschine̅. Etliche wie ein swinspieß
4 sich gebürt zuͦ nützen in ende
5 der swarte̅ des houptes. etliche dryeckecht
6 glich den kürsner nalen zuͦ de̅
7 krostelen der nasen vn̅ orenn. Vnd
8 der dryerlei soltu habe̅ doch iederlei
9 subtilig clein noch dem es not ist.
10 Du solt ouch ei̅ silberi̅ roͤrlin eins
11 cleine̅ fingers lang den lengste̅ weg
12 vff einer sittenn fensterlin. durch soliche
13 fensterlin in de̅ widerhabe̅ des
14 fleisch die nal gestossen mag werde̅
15 so das hefften geschehe̅ sol An dem
16 andern ort des roͤrlins ei̅ hol roͤrlin
17 vberzwerch ein geleich eins fingers
18 lang wie ein kruck da mit die hut oder
19 das fleisch vff zü habe̅ vn̅ zu samen zuheffte̅
20 on veseru̅g das wider teil
21 des fleisch. Du solt auch haben
22 cleine gebogne krume zenglin glich
23 eim storcken snabel inwenig vberzwerch
24 gezenet da mit vß zü thün
25 vn̅ entledigen die cleine subtiligen
26 sprisslin oder beinlin Du solt auch
27 habe̅ za̅gen mit etlicher breite vornan
28 vberzwerch etlich cleine beinli̅
29 da mit ab zü snide̅ vn̅ pfetze̅ als billich
30 ist. Des gliche̅ schlechte zengli̅
31 gena̅t schlengli̅ inwenig gezent als
32 vor gemelt ist. da mit danne̅ ze tün
33 etlich vberflüssikeit als not ist. Jn
34 wu̅den vn̅ ander schade̅. Du solt
35 ouch habe̅ ei̅ hol iserin instrume̅t gena̅t
36 ei̅ loucher slecht wie ei̅ storckensnabel.
37 ob einer geschossen. gestoche̅
38 oder sust ei̅ wunden het solchen snabel
39 in wu̅den zü stossen dz hi̅derteil
40 zü samen zü drücken da mit die enge
41 der wu̅den zü wittern vff dz du
42 on groß besweru̅g pfil zangen oder
Blatt 20 recto Sp. A
1 des gelichen in die wunde̅ zuͦ thuͦn
2 din werck zuͦ volbringe̅ des du begeren
3 bist Dar vmb gebürt dir ouch
4 zuͦ haben pfil zange̅ ob das isen i̅ d`
5 wunde̅ vn̅ d` schafft her vß ist dz die
6 za̅g in die hoͤlin des ysins gieng mit
7 einer schruben in der hülin die zang
8 von ein ander zuͦ schrubenn da mit
9 dan das isen hervff zuͦ ziehen. Des
10 gelichen einen scharpfen subtiliche̅
11 vberflüssigen neber. ob das holtz in
12 dem ysen wer abgebrochen soͤlichen
13 neber in das holtz zuͦ schrubenn vß zuͦ ziehen
14 das isen nach dinem begeren.
15 Du solt auch hon ein hole kugel zang
16 mit vß zuͦ nemen die kloͤtz
17 der büssen so einer geschossenn würt
18 Eim ieden cirurgicus noturfft ist
19 zuͦ habenn ein siring. das do ist ein
20 spritz mit einem langen silberin ror
21 Doch vornen ein runde wie vorgemelt
22 ist von dem v`such isen da mit
23 die holen wunde̅ oder stich zuͦ lanieren
24 oder zuͦ weschen. Des gelichen
25 das vberig pluͦt oder eiter vß tieffe
26 der holen wunden zuͦ zihen vn̅ reinigenn.
27 Du solt auch habenn
28 spatlenn clein vnnd groß/ etliche gespalten
29 glich den zenglin der ougen
30 die do har vß ziehenn/ etliche rund
31 an eim ort mit knoͤpflin glich dem
32 vor suͦch isen. Du solt auch haben
33 ander instrument me als ich zeigen
34 wil Du solt auch habe̅ ein messin
35 büchsen mit acht sachenn oder vnderschlegen
36 das du alle zit by dir habest
37 din plaster salben der du aller
38 noturfftig bist vn̅ ich dich lere̅ würde
39 in de̅ anthidotario Jn dem erste̅
40 soltu haben deffension vff das du
41 magst abstellen ein ieden vberfluß
42 oder zuzuck es sy vo̅ kalter oder hitziger
Blatt 20 recto Sp. B
1 füchtikeit da vo̅ e̅tspri̅ge̅ manig
2 wid`wertikeit vo̅ geswulst oder
3 apostemen. Jn dem andern teil soltu
4 haben ein dyaquilon plaster od`
5 maturatium ob dir not wer soliche̅
6 vberfluß den du nit abstellen noch
7 resoluieren moͤchtest zuͦ einem eiter
8 zuͦ bringenn. Jn dem dritten soltu
9 habe̅ ein sanfft mu̅dicatiuu̅ da mit
10 zuͦ reinigen vnnd ab zuͦ ziehenn dot
11 fleisch vnd dz fleisch zuͦ regieren zuͦ
12 begerung der wachsunge/ als do ist
13 vngentuz apostolorum sed`m Aüicennam
14 Jn dem fierden soltu habe̅
15 vngentu̅ fustum/ das do mu̅dificieret
16 vnd fleisch macht wachsen. Od`
17 vngentu̅ aureum sed`m anthidotariu̅
18 me od` das do digerieret/ vn̅ dar
19 zuͦ fleisch machet wachsenn. Jn de̅
20 fu̅nfften soltu haben vngentu̅ egipciacum
21 da mit zuͦ corrodieren vnd
22 resoluire̅ dz vberflüssig fleisch d` wu̅den
23 vn̅ and` schade̅ me. Jn de̅ seste̅
24 soltu han ein grien plaster dz do ist
25 co̅glutinatiuu̅ zame̅ limu̅g/ mu̅dificatiuu̅
26 vnd attractiuu̅ zuͦ reinige̅
27 mit de̅ de̅ vberflüssige̅ eiter zuͦ minere̅.
28 Dar zuͦ consolitiuu̅. da ist der
29 ware besluß d` sibend cicatrisatiuu̅
30 vn̅ sigillatinu̅ die hut zuͦ mache̅ vn̅
31 zuͦ beschliessen. Jn dem achten vngentu̅
32 dyalthea die hertikeit des geeders
33 zuͦ milte̅ vn̅ zuͦ v`zere̅ die grobe̅
34 materi der narbe̅ od` geschicklikeit
35 nach der heilung geschehen ist vnd
36 geschiht. Du solt auch habenn ein
37 kratz_ oder ratz büchßlin vn̅ darin
38 etlich puluer zuͦ etzen das vberflüssig
39 vnnatürlich fleisch zuͦ verzeren
40 vn̅ ab zuͦ stellen die hinderung der
41 heilu̅g der wunde̅ e auch da mit nid` zuͦ setze̅
42 die vberflüssikeit d` wunde̅
Blatt 20 verso Sp. A
1 Der ander tractat
2 Das dritte capitel des andern tractetlins seit
3 von bindung vnd helung der cleine̅ wunde̅ da mit dan die hut verwunt ist
4 Jtem hie ist beschriben von den wunden die do gehowen oder geschlagen
5 werden alein durch die hut biß vff das fleisch wie du die vnderston solt zuͦ
6 heilen. vnd in welchen weg das beschehenn sol.
Blatt 21 recto Sp. A
1 so treng oder zweng. vnd füg die leftzen
2 der wu̅den zuͦ samen mit diner
3 hant/ vn̅ leg dar vff ein werck oder
4 púlsterlin genetzet in dem wissen eines
5 eys mit vermischung einwenig
6 gemein saltz vnd verbind es mit diner
7 binden nach ir noturft. Vn̅ gebürt
8 im zuͦ habenn die ruͦg/ da mit
9 die wund geheilet würt. Vnd das
10 wert vnnd hindert den zuͦ fluß der
11 wunden der dar zuͦ fallen moͤcht/
12 Vnnd ist nit noturfftig ander heilung
13 ob die wu̅d wer on schmertzen
14 vnd die tagweid im recht geordnet
15 ist. Were aber do grosser schmertze̅
16 das wer ein zeichenn/ das das wildwachß
17 in der tieffe der wunden gerüret
18 oder gestopfet were. Oder
19 das pa̅niculus/ das do ist das dün
20 vberschossen hütlin zwischen dem
21 fleisch vn̅ gebein das das gebein bedecket.
22 So merck die wort Guido
23 der spriecht. Nümer sol die wund
24 vnderstanden werden zuͦ heilen/ es
25 syent dann alle zuͦfelle ab gestellet
26 die den wünden zuͦ fallenn als du
27 noch hoͤren würst vnd aller meyst
28 geschicht in den grossen wundenn.
29 Das fierde capitel diß andern
30 tractatz würt dich leren binden die
31 grossen witen wunde̅ in dem fleisch
32 wie man die hefften sol.
33 Dar vmb ist noturftig ob dir zuͦkumpt
34 ein grosse wu̅d die do ist nit
35 allein durch die hut/ sunder auch
36 durch das fleisch biß wff das gebein
37 einteil oder gantz v`wunt/ vn̅ doch
38 on zuͦfal ist das du die wunden suber
39 vnd rein zuͦ samen fügest vnd
40 sie hefftest noch irer gestalt als sich
41 die noturfft das erheischet. Wann
Blatt 21 recto Sp. B
1 wor vmb in mancherley wyse vnd
2 form werde̅t die wunden gehefftet
3 als ich hie mit kurtzem sin beschribenn
4 wil. Wer die wund als grosse
5 das allein das bindenn nit genug
6 were wie ich vor geseit hon. Oder
7 were aber vberzwerch des gelides/
8 also das die lefftzen der wunden wit
9 vo̅ ein a̅der za̅nent vn̅ nit zuͦ same̅gebunden
10 moͤchten werdenn. So
11 werd die wund gehefftet also dz du
12 fügest die lefftzen oder oͤberteil der
13 wunden zuͦ samen. Vnd hüt dich
14 das keinerlei wuͦst oder vnreinikeit
15 von stoub har oͤl/ oder das kein ander
16 ding dar in kum oder falle/ dovon
17 die zuͦ samen wallung das ist
18 die heilung nit gehindert oder geletzet
19 würt. Vnd hab auch ein nadel
20 drianguliert wie ein kürsner nadel
21 vnd das loch hinden an der nadlen
22 das soll gehület sin. also das der faden
23 der dar in gehoͤrt in der hülenn
24 sich verbergen mag so man die nalen
25 durchzücht vff dz sie dester sanfter
26 durch gang. Der fadenn solle
27 auch gezwürnet sin on alle knoͤpff
28 vnd gewechset. Vnd da mit soͤl die
29 wund gehefftet werdenn/ vnnd die
30 hefftu̅g geschicht in fünferley form
31 oder wise. Zuͦ dem ersten die gemeinen
32 hafft als sich hie geburt. ist
33 das du setzest den ersten puncten od`
34 stich mitten in die wunden. vnd de̅
35 anderen in das spacium der beiden
36 siten vnd also ga̅g für in den spaciu̅
37 vnd laß ie zwischen zweien stichen
38 ein spacium eins guͦtten zwerchen
39 fingers breit als vil biß das sin genuͦg
40 ist. Vnd fah nümer am ende
41 zuͦ dem ersten an/ vff das sie dester
42 suberer gehefftet/ vnd dester miner
Blatt 21 verso Sp. A
1 geru̅mpfen wurt. Dar vm̅ zuͦ alle̅
2 zitte̅ sollen der hefften vngerad sin.
3 Wan sie vber zwe̅ hafftenn bedorffent.
4 Du solt auch mercken wan
5 die wund tieff oder dün oder vberzwerch
6 ist/ oder ob die wu̅d nit tieff
7 wer oder den langen weg. Jst sie da̅
8 tieff oder vberzwerch/ von not sol
9 ouch die hefftung tieff geschehenn/
10 vß zwo vrsach. Eine das sie dester
11 minder vß riß. Die ander das sie
12 dester minder eiter geb/ oder das nit
13 ein hule vnder denn hafften würt.
14 Jst sie aber nit tieff oder den lange̅
15 weg/ so ist nit not das die hefftung
16 tieff geschehe. Vnd wan du also die
17 zwen lefftzen der wunden durch gestichest.
18 so schloͤff den fade̅ zwemal
19 durch/ vnd zühe sie sanfft zuͦ same̅
20 vnd knüpf es dan. Wan wo du in
21 nit zwei mal durch schloͤffest/ So
22 giengent die lefftzen der wunden wider
23 vffe du denn beschluß knopf tetest.
24 Wan ich hab zuͦ dem dickeren
25 mal vnerfarende wund artzet gesehen
26 so der eine hefft. so schloͤfft er de̅
27 faden ein mal durch/ vn̅ hieß im ein
28 finger oder das clein end einer spatteln
29 vff den faden legen vnnd e der
30 letste knopff beschlossen wart/ in de̅
31 dannen thuͦn des fingers oder spatteln/
32 do gieng die wund oder hafft
33 wider vff/ das in dem zwifaltigen
34 schloͤffen nit geschadenn moͤcht/ so
35 man nüt dar vff leit. Vnd so das
36 hefften geschicht in massen als ich
37 gelert hon/ so ist min rat vnnd folg
38 nach allen gelerten wund artzeten
39 Als Langfranckus. Guido. Wilhelmus.
40 Placentinus. den man ne̅net
41 de saliceto/ Das du alweg by
42 dir habest ein puluer gemacht von
Blatt 21 verso Sp. B
1 Wissem wirouch 2 teil.
2 Trachen pluͦt ein teil.
3 Eyerschalen kalck ein drit teil.
4 Vn̅ das vnder ein ander subtilich
5 gepuluert vnd gemenget mit dem
6 wissen eines eyes/ vn̅ mit werck darvff geleget.
7 Wie wol ietz zuͦ diser zit
8 nit gewonheit ist dann allein eyerclar
9 vnd gemein saltz. Aber vil besser
10 vnd nutzer ist diß vorgena̅t puluer/
11 Als langfranckus des küngs
12 von francken rich wund artzet selber
13 spricht/ das er etliche cleine wunden
14 ouch gebunden hab/ vnnd das
15 regime̅t dar zuͦ gehalten e er die wu̅den
16 wider vff bandt/ do was sie gar
17 an dem dritten oder fierden tag geheilt.
18 Vnd das ist der erst vnnd gemeinst
19 sin die wunden zuͦ hefftenn.
20 Der ander modus oder sin ist das
21 du vber neyest als die kürsner thuͦn
22 vnnd das gebürt sich in dem so die
23 derm oder siphat/ das ist die fla̅ od`
24 netz das in dem buch die derm by ei̅ander behalt.
25 Der dritte modus
26 oder sin/ das ist zwickhafftenn also
27 die noturfft dick erheischet in de̅ witten
28 wunden oder in dem schnidenn
29 der hasen scharten/ also das man ei̅
30 nadel stoͤsset durch die beid lefftzen
31 der wunden vnd lasset die nale̅ dar
32 in stecken/ vnd schlecht vmb beide
33 ort der nadlen den faden .6. od` .7
34 mal/ vnnd lasset die nadel also dar
35 in stecken mit dem vmb gewunden
36 fadenn. Der fierde modus od`
37 sin ist/ das zuͦ zitte̅ geschicht ein heftung
38 die das pluͦt verstellet/ das ist
39 so du sihest ein ader vast pluͦttenn/
40 als an dem halß die gieß ader/ oder
41 ein verwunte püls/ oder das du die
42 ader mit der nadel heruß ziehest/ vn̅
Blatt 22 recto Sp. A
1 dar durch stichest vnnd hinder der
2 nadlen die ad` hert verknüpfest mit
3 dem fade̅ der do in der nalen ist vn̅
4 dan die nalen durch ziehste. vnd ein
5 stücklin fadems an der adern blibt
6 hangen vber etlich tag verfulet dz
7 ober teil der adern vnd get der fade̅
8 heruß. Der fünffte modus od`
9 sin ist/ das wir etwan machen hafften
10 die man nennet die güldin oder
11 selp hafften von düchlin/ vnd das
12 gezimet in den stettenn sunderlich
13 in dem angesicht do wir wollent dz
14 die mal oder narben nit erschinent
15 Des gelichen den zarten subtilige̅
16 menschen die sich sunst nit hefften
17 ließen. Ouch in den grossen wunde̅
18 die da wit von ein ander stont. Also
19 nim dryeckecht stücklin lynin duͦchs
20 mit brißloͤcher nach der lenge d`
21 wunden vnd groͤsse des gelides vn̅
22 bestrich sie mit disem selblin das do
23 gemacht ist vß
24 Dragantum.
25 Drachen pluͦt.
26 Olibanum.
27 Masticis.
28 Sarcocolle.
29 Colofonie. iedes ein quintlin.
30 Mülstoüb vß der müle̅. 3. quint.
31 Eyer clar als vil das sin genuͦg ist
32 Also dz yegliches stück geleget werde
33 vff ietlich sitte̅ der wunden eins
34 duͦmen breit von ein ander. Vnd
35 so sie drucken werdent so schnür od`
36 briß die tüchlin subtilichenn zuͦ samen/
37 Du macht ou̅ch wol zuͦ zitten
38 sie vber andere hafften legenn
39 vff das sy dester minder vß rissent/
40 Vnd also hon ich volendet diß capitel
41 von den hefften der einfeltige̅
42 wunden die do geschehen sint in der
Blatt 22 recto Sp. B
1 hut oder in dem fleisch.
2 Das fünfte capitel diß anderen
3 tractatz seit von den wunde̅ des
4 geeders vn̅ wilt wachs/ in welcherley
5 wiß die geschehen sint.
6 Etzunt ist zit zuͦ gonn von
7 den wunde̅ als sie geschehe̅
8 sint in de̅ fleisch zuͦ denn wunde̅ da
9 mit verwunt sint die nerui das ist
10 das wild wachs/ dan soͤlchen wun
11 grosser schmertz zuͦ felt. Oder ob venis
12 capillaribus/ das die aller cleinesten
13 ederlin die do verwunt werdenn.
14 Oder die vene das do sint die
15 rechtenn pluͦt aderen/ oder arterie
16 das do sint die puls aderen verwu̅t
17 werden. Da von entspringet zuͦ zittenn
18 ein vber grosser bluͦt fluß dar
19 durch der cirurgicus geengstiget vn̅
20 genoͤtiget würt. Wann nun die nerui
21 das do ist das wild wachs verwunt
22 werden/ das do ist ein hantreichüng
23 oder instrument des sinnes
24 vnd auch der bewegung dar vmb/
25 von wege̅ siner sinlicheit gewinnet
26 er grossen schmertzen so er verwunt
27 würt Wann Galienus spricht der
28 neruus der do aller sinnrichest od`
29 entpfintlichest ist vnder andern gelidern
30 der hat vnd muͦß haben den
31 sterckesten schmertzenn/ Vnnd die
32 verwundung geschicht in drierley
33 weg oder maß. Einer das ist de̅ langen
34 weg des nerui verwunt werden
35 Ein anderen weg vberzwerch. den
36 dritten das er nit dan allein gestochen
37 würt oder gestupfet. das do genant
38 würt punctura. Dar vmb
39 ist zuͦ gedenckenn ob die wund des
40 nerui sy vberzwerch oder den lange̅
41 weg verwunt oder ob das sy allein
42 ein punctur/ Das ist also vil als
Blatt 22 verso Sp. A
1 ein stich mit einer nadlen oder süle̅
2 oder dorn sprissen oder mit eine̅ cleynen
3 degen ode des gelichenn/ oder
4 ob der neruus sy vberzwerch gentzlich
5 ab gehawen oder geschnittenn
6 oder ob der neruus sy allein durch
7 sin lenge geschnittenn. Jtem so
8 nun der neruus were gestupfet od`
9 gestochenn/ so ist die wund der hut
10 beschlossen/ so heisset sie dan excecata
11 punctura oder vulnus/ das ist
12 ein wund. Aber ein wund. ist offen
13 vnd würt geheissen pünctura simplex
14 das do ist ein einfaltiger stich.
15 oder ein blinder stich. So ist noturft
16 die hut vff zuͦ thuͦn vnnd die
17 wunden witter zu machenn. Darnach
18 so werde ein roß oͤly von vnzitigem
19 bom oͤly gemacht vnnd darin
20 gethon heysser dan manß wol erlyden
21 mag in die wunden also lang
22 biß die wund gentzlich mit dem oͤl
23 werd[?] gefüllet. Aber vff die wunde̅
24 werd geleget terbe̅tin/ dz ist gloriet
25 das do wol wiß vnd rein geweschen
26 sy zwischen zweien linin tücher. vn̅
27 die wund oder das gelidt werde gesalbet
28 mit dem warmen roß oͤly v`mischet
29 mit bolo armeno das es ei̅
30 wenig dick sy worden/ vnd vff das
31 werde geleget ein sanfft linen tuͦch
32 das da genetzet sy in guͦtem warme̅
33 win/ vnd werd süberlichen gebunden
34 Vnd wer es sach dz es mit dem
35 schmertzen nit vff hoͤret/ So thuͦn
36 es als dick vnd als lang biß dz der
37 smertz gentzlich vffhoͤrt. Wan dise
38 salbung witnet vnd rarificieret
39 sie vnd lind machet die stet durch
40 die der smertz vff gat zuͦ dem houpt
41 vnd weret des nerui zuͦ samen strupsung/
42 vnnd ob du siechest nit als
Blatt 22 verso Sp. B
1 bald die stillung des schmertzens
2 in etlichen als du meinest vnnd begerest.
3 So ga̅g nit zuͦ einer andern
4 cur/ wan es ist kein besserer sin noch
5 weg/ nach lanckfrancus von meylant
6 vnd andere cirürgicus setzent
7 Ob aber der schmertz zuͦ vast weret
8 oder zuͦ lang blib/ so ist guͦt vnnd
9 auch min meinung das man nem.
10 Oleum rosarum
11 Boli armeni
12 Opium theobaicum ein wenig
13 Das warm gemacht vn̅ gebrucht
14 in vorgemelter massen/ vnd halte
15 sich der siech stil vnd ruͦg vnnd hüt
16 sich vor zorn/ vnnd so der schmertz
17 gelüt vn̅ die wunde etwas eytert so
18 heile sie mit dem grünen wuͦntplaster
19 vnd wuntdrencken als ich hernach
20 setzen wil in dem antidotario
21 Ob aber die nerui were̅t enzwei geschnitten
22 oder gehowen/ So heffte
23 die nerui od` die adern mit dem hefften
24 damit du die lefftzen der wunde̅
25 hefftest/ ob du ouch die aderen mit
26 der wunden wol gehabenn magst/
27 vnd vff die adern vnd wunden soltu
28 legen ein warm roß oͤly von vnzitigem
29 bom oly gemacht Dar in
30 gesoten sint erd wurm die man nennet
31 regen_ oder uͦl wurm Vnd das
32 geschehe vff zwen oder dry tag. Vn̅
33 an dem fierden tag würff dann dar
34 vff das vorgenant püluer das ich
35 geleret hon in dem capitel von dem
36 hefften der wunden.
37 Von wissem wirach.
38 Sanguis draconis
39 Vnd eyerschalen kalck
40 Aber vast nütz vnnd guͦt were das
41 du dar zuͦ thetest gedoͤrrete regenn wurm
42 vff das aller hinderst gedoͤrret
Blatt 23 recto Sp. A
1 doch das sie nit zuͦ kolenn oder
2 zuͦ eschen verbrant werdent. Wan
3 ir natürliche krafft der zuͦ samenn machen
4 wachsung der adern in benumen
5 würt das sie sust behieltent
6 wan sie nit gantz verbrant werden
7 sunder allein gedoͤrt das mann sie
8 gepuluere̅ mag. Oder aber die artzeny
9 die von eygenschafft zuͦ gezemet
10 den wunden der nerui vnd der aderen.
11 Als do setzet lanckfrancus vn̅
12 Guido. Des des gelichenn würt
13 gesatzet von Rogorius vnd das ist
14 Vngentum de vermibus.
15 Ein salb gemacht von den regennwürmen.
16
17 Nym clein centauria
18 Hunß zungen krut
19 Musorkrut
20 Walwurtz.
21 Gülden gunßel. iedez ein hantvol
22 Fuͦl Wurm. ein halb pfunt.
23 Bom oly. ein pfunt
24 Win anderhalb pfunt.
25 Diß stoß mit ein ander vnnd laß
26 sie vnder ein ander beißenn sybenn
27 tag. Dar nach werde mit in gestossen.
28
29 Wider vnslit ein pfunt.
30 Schwarz bech.
31 Hartz. iedes ein fierling.
32 Armonicum.
33 Galbani.
34 Appoponati. Zerlassen in essich iedes.
35 .5. quintlin/ Vnd süd sie biß d`
36 win vnd essich verzert würt vnnd
37 syhe sie vnnd wan sie gar nahe kalt
38 sint So thuͦn dar zuͦ
39 Terbentin. ein halben fierling.
40 Wirouch.
41 Mastix.
Blatt 23 recto Sp. B
1 Sarcocolle. iedes .3. quintlin
2 Saffron. 2. quintlin.
3 Vnd rür sie mit einer spatelen vnder
4 ein ander. vnd mach dar vß ein
5 salb vnd die ist vast koͤsparlichenn
6 in diser wirckunge. Des gelichenn
7 duͦt auch dar zuͦ Rogerius Mille
8 foliü/ dz ist Garb. Aber doch so gebütet
9 lanckfrancus vor die wunde̅
10 fücht zuͦ machen zwen oder dry tag
11 So sie gehefftet ist mit dem roß oͤly
12 vnd regen würm vnd das puluer
13 vorgenant von denn würmen schribet
14 vnß Galienus in dem .6. simplicium
15 also. Die würm der erden
16 machent subtil die gescheidenen sennenn.
17 Jtem von centaurio gesatzt
18 in septimo Das sie zuͦsamen fügt
19 die groß vnd schwerlich zuͦ festigen
20 vnd zuͦ heylen sint. Auicenna der
21 bezüget vnnd bewiset das in scd`o.
22 Vnd spricht ob centaurio gekochet
23 würt mit geschnittnem fleisch/ das
24 get wider zuͦsamen vnd beware dz
25 gewundt gelidt von dem apostem
26 oder geschwer vnd geschwulst/ das
27 die nit dar zuͦ kumen oder schlagen
28 mügen mit diser salben. Die soltu
29 al zit by dir haben vnd vmb die wu̅den
30 striche̅ das bruchent alle gelerte
31 meister vnnd wund ertzet zuͦ beschirmen
32 vnd defensieren die frischen
33 wundenn. als eygentlich in dem
34 antidotario her nach geschriben vn̅
35 dar zuͦ gezeuget würt. vnd die salb
36 oder das defensiuum würt also gemacht.
37
38 Nym oleum rosarum. 4. lot.
39 Boly armeni. 2. lot.
40 Terra sigllata.
41 Accti. iedes ein lot.
Blatt 23 verso Sp. A
1 Canfer ein quintlin.
2 Nachtschaten.
3 Huß wurtz. iedes ein hant vol.
4 Vnd mach dise stück vnder ein ander
5 zuͦ einer subtilichen salbenn in
6 einem moͤrselstein. Wan war vm̅
7 durch soͤlche hefften der nerui vnd
8 oͤly vnd das puluer vorgenant dar
9 zuͦ die beschirmung/ so würt das gelid
10 gentzlich behüt vnnd wider bracht.
11 Du solt dich auch nit zuͦ vast
12 foͤrchten oder erschreckenn vor dem
13 schmertzen der do geschieht von der
14 punctur wegen oder stich der nadle̅
15 Wan war vmb der smertz würt gemiltert
16 vnd vertriben mit dem roßoͤly/
17 so das dar vff würt geleget ein
18 mol oder drü. Wo aber der smertz
19 nit geleit würt. so bedut es ein zeichen
20 des krampfes/ vnd ein gantz verschnidung
21 des nerui. Du moͤchst
22 mir auch für hebe̅ mit galieno also
23 ich vor gesprochen hab das das oͤly
24 sy ein hinderung der heilung d` wu̅den
25 War vm̅ ich da̅ hie heiß warm
26 roß oͤly vff die wunden legen vn̅ in
27 die wunden. Antwürt ich wie wol
28 Galienus spricht in der zamenfügung
29 der wunden sollent wir behüten
30 vn̅ v`sorgen das nit har oder oly
31 infal od` ku̅m in die lefftze̅ der wunden.
32 Dar vm̅ sprich ich das dz roßoͤly
33 gemacht sol sin von vnzitigem
34 bom oͤly/ das ist me ein safft wann
35 ein oly. vn̅ von den würme̅ gewint
36 es ein co̅glutinatinu̅/ dz ist ei̅ zame̅limu̅g
37 Ouch das du nümer vnderstandest
38 die wunden zuͦ heilen/ der
39 smertz sy dan vor geleit. Wann wo
40 du vnderstast die wunden zuͦ heile̅
41 e der smertz gestillet würt/ So ist
42 zuͦ besorge̅ das ein apostem oder geschwulst
Blatt 23 verso Sp. B
1 zuͦ der wunde̅ schlag mit
2 einer grossen hitze das zuͦ zitten dar
3 von kem v`lierung des gelides oder
4 der todt. Du solt auch wissen das
5 dem wund artzet nüt erlicher noch
6 nützer ist da̅ das er die v`wunten od`
7 versertenn gelider behut vor der geswulst
8 vn̅ hitz als ich hie vor geseit
9 hab mit der vngent. wan er das kumerlich
10 v`berge̅ mag. Wer es aber
11 sach das die wund nit vo̅ dem vorgenante̅
12 oͤl vn̅ puluer geheilt würt
13 vnd sich die hafften vff loͤset/ vnnd
14 die wu̅d an fieng zuͦ eyttern so werd
15 er geheilt mit dem grüne̅ wunt plaster
16 als ich in dem antidotario setze̅
17 würde vff ein subtil linen tuͦch gestrichen
18 vnd vff die wunden geleit
19 morgens vnd abentz. vnd vff einer
20 siten der wunde̅ end das sich zuͦ tal
21 halt ein clein subtil meissel der den
22 neruu̅ nit berürt/ vff das er keinen
23 schmertzen bring biß das die wund
24 werde geheilt. Ob aber des eyters
25 vberflüssig vil were So mach im
26 diß plaster das do sübern vn̅ reinige̅
27 ist den neruus der do wunt ist/ nit
28 allein den eyter in der wunden sunder
29 auch in allen wunden/ Ob sie
30 ioch tieff gestochen oder in einer holen
31 wunden were.
32 Nim gesigen roß hunig. 6. lot.
33 Subtil gepütelt gerste̅ mel. 2. lot.
34 Vnd temperier das zuͦ samen vnd
35 erwalle es mit sorgen das es nit verbrinne
36 wann es bald verbrant ist.
37 vnd so du es ab dem füer gehabest
38 so rüre es durch ein ander mit einer
39 spateln/ vnd dar zuͦ werde gethon
40 Wiß terbentin. 2. lot.
41 Findestu aber kein wiß terbentin so
42 wesch sie wiß mit einem kalten wasser/
Blatt 24 recto Sp. A
1 Aber für das gemein wasser ho̅
2 ich genumenn.
3 Sanickel wasser
4 Sinau wasser
5 Heidnisch wuntkrut wasser
6 Spitz wegerich wasser
7 Roßen wasser
8 Gulden gunsel wasser.
9 Welches du vnder denen habenn
10 magst/ vnnd wan die wund gantz
11 vff gehoͤrt zuͦ eytern vnd druckenn
12 wil werden so nim des vorgenaten
13 plasters 4. lot.
14 Wiß wirouch
15 Masticis.
16 Sanguinis draconis
17 Sarcocolle. iedes ein quintlin.
18 Vnd temperier es zuͦ samen vnnd
19 legs als vor biß gantz geheylt würt
20 vnd leg alle zit dar vber ein werck
21 das in guͦtte̅ starckem warme̅ win
22 genetzet sy/ das behüt dir die wude̅
23 vor allem zuͦ fallendem smertzen
24 vnd geschwulst vnd hitz/ besunder
25 wan dar in gesotten ist
26 Müsor_ oder nagel krut/ mit den
27 gelben pluͦmen
28 Rot buck
29 Vnd ein wenig walwurtz.
30 Ob aber die rechten gemeine̅ adern
31 v`wunt werdent/ die do genant sint
32 vene oder die arteria das do sint die
33 puls adern die mügent also ser verwunt
34 werdenn dz sie nümer me geheilt
35 mügen werden einer warenn
36 heilung/ nach dem als etlich doctores
37 sprechent. Aber das geschiht vß
Blatt 24 recto Sp. B
1 vrsach Das sie vberzwerch durch
2 wunt werden. Aber werden sie den
3 langen weg gespalten/ so werde̅ sie
4 geheilt einer waren heilung als genuͦgsam
5 offenbar ist so man einem
6 menschen lasset vnd die ader in kurtzen
7 tagen geheilt würt on alle ander
8 ertzeny. Aber die verwunten ad`n
9 zuͦ heile̅ geschicht mit de̅ puluer
10 vorgena̅t dz do gemaht würt vß de̅
11 gedoͤrten erd_ oder regen wurmen in
12 die wunden geleit vnd geworffenn
13 vn̅ das vorgenant roß oͤly von dem
14 regenn wurm gesotte̅ vn̅ mit bom woͤl
15 also warm darvber geleit. Jch
16 han vil vn̅ grossen nutz dar mit gethon
17 vnd entpfangen ouch von anderen
18 guͦten meistern gesehen. Wie
19 wol etliche sprechent mann sol die
20 würm zuͦ puluer brennen das doch
21 nit die warheit ist sunder ma̅ sol sie
22 doͤrren in eine̅ bach offen also lange
23 das sie sich lichtigklich lassent pulu̅erisiern/
24 wan war vm̅ so sie gantz
25 zuͦ puluer gebra̅t werde̅t hatte̅t sie
26 ir conglutinatiuu̅ od` zame̅limu̅g
27 der adern verloren vn̅ werent mec[?]catrisieren
28 dz ist hut machen dann
29 conglutinieren das doch de̅ v`wunten
30 geeder nit not ist/ sunder allein
31 zuͦ samen zuͦ wachsen. Des gelichen
32 geschicht ouch mit der vorgenanten
33 salbenn von denn würmen als
34 lanckfrancus vn̅ Guido setzent
35 Von dem verstellen
36 des pluͦtz der verwunten aderen.
Blatt 24 verso Sp. A
1 Das sechst Capitel des andern tractats
2 Das sexte capitel des anderen tractates seit
3 von dem verstellen des pluͦtz der ver wuunten aderen.
4 Jtem ob es nun sach wer das do etliche venna cappillaribus/ das
Blatt 25 recto Sp. A
1 do sint die aller cleinestenn aderen
2 verwunt werent vnnd in ein blutten
3 kement oder vena maioru̅ das
4 sint die grossen gemeine̅ blut adern
5 oder arteria Das do sint die pulsaderenn
6 das die in ein wütten vnnd
7 bluttenn kement. So ist not dem
8 wund artzet zuͦ bedenckenn die geschiclikeit
9 des verwunten. vnnd die
10 gestalt vnd complexion. Das alter
11 vnd die krafft der iugent/ ob die
12 gelich werent. Besunder die krafft
13 vnd die complexion vnd das pluͦt.
14 vil wert. So laß genuͦg heruß gon
15 des pluͦttes/ ob dir anders by ziten
16 dar zuͦ gerüfft würt. Ob aber du by
17 zytten nit dar zuͦ kumest/ also das
18 in der fluß des pluͦttes helliget vnd
19 bloͤde machet/ So gebürt dir das
20 pluͦt zuͦ verstellen/ dan die noturft
21 heischet das. So luͦg ob das pluͦtt
22 vß gang oder fließ vß den venis cappillaribus
23 das do sint die aller cleynesten
24 adern glich dem har. So ist
25 allein genuͦg das wiß von dem ey.
26 mit werck Nach dem zuͦ samenn hefften
27 die wunden vnd das vorgenant
28 puluer von
29 Wirouch
30 Sanguis draconis
31 Eyer schalenn kalck
32 Das do stat in dem hefftenn der
33 wundenn dar vber geleit wan das
34 puluer verstellet das pluͦt/ vnd heilet
35 vnd conglutiniret die lefftzenn
36 der wunden zuͦ same̅. Wan aber
37 das pluͦtt von den grossenn aderen
38 kem genant vena maioru̅. So gat
39 es dreglich heruß/ vnd ist grob vn̅
40 neiget sich zuͦ etlicher purper farbe
41 schwartz/ ob das nit verstellet würde
42 so ist es doͤtlich Wan das pluͦtt
Blatt 25 recto Sp. B
1 ist der schatz des lebens vnd zuͦ felt
2 Sincopis. Das ist omacht odder
3 der Spasmus das ist der krampff
4 das ist boͤß Also auicenna spricht.
5 Wann aber das pluͦt flüsset vß der
6 arteria das do ist die puls ader das
7 do erkant würt so es vß gat springe̅de
8 Nach dem vnnd sich ouch die ader
9 vff vnnd zuͦ tuͦt. Jtem wan
10 das nit bald verstellet würt so pluͦtet
11 sich der mensch zuͦ todt. Aalso
12 ich ouch etwan wol gesehenn hab.
13 So ist nit alzit genüg zu gebruche̅
14 die vorgenante̅ plut stellung oder
15 verbindung/ oder ein gemeine plut verstellung
16 Dar vmb bedoͤrffe̅
17 sie einer sursichtigen groͤssern vnnd
18 sterckern artzeny. Vnnd das geschicht
19 in zweyerlei wiß vnnd from.
20 Dar vm̅ du solt nit allein mercke̅
21 vnd verston das das plut der wundenn
22 mag verstellet werdenn von
23 d` artzeny die ma̅ dar zu brucht vn̅
24 dar vff leit. Besunder sie müssent
25 habenn ein Regiment Das ist der
26 ein sin do mit abgestelt vnnd auch
27 gehindert mag werden der fluß des
28 pluͦttes. Vnd der sin geschiht ouch
29 in mancherlei wiß. Etwann so geschicht
30 er mit bindenn des widerteyles.
31 Etwan mit riben Etwan mit
32 lossen. Etwan mit vintusen setzen
33 Etwan so geschiht es mit der imaginatiuum
34 Das do ist der glouben
35 des menschen ndas er nit mer
36 plutet.
37 Jtem der ander sin das ist der
38 modus vnd regiment wie man die
39 vsserlichenn ertzeny/ Das sint die
40 localia dar vff zü legenn vnnd regiere̅
41 sol vnd das geschicht ouch zu
42 gelicher wiß in mancherley form:
Blatt 25 verso Sp. A
1 Etwan mit gerinung das dz pluͦt
2 sich coaguliert e dan die artzeny dar
3 vff geleit würt. Etwa̅ mit ertzenye̅
4 dz ma̅ die adern v`hefftet. etwa̅ mit
5 erzeny dz die adern v`stelt. etwa̅ mit
6 brennende vnnd ander weg me als
7 du hoͤren würst. Wa̅ du ein wunde̅
8 od` ei̅ ad` v`bunde̅ hast/ vn̅ das pluͦt
9 von der vorgenanten artzeny nit v`ston
10 wolt oder genuͦgsam were/ so
11 ist noturfft soͤlchen fluß ab zuͦ stellen
12 vnd zuͦ hindern. Vnnd das geschiht
13 zuͦ zitten mit binden vnd riben
14 das du dz widerteil wol ribest
15 Also wen dir die rechte hant pluͦtet
16 das du den lincken arm von obenn
17 herab recht wol ribest/ vn̅ nach dez
18 ribe̅ wol hert bindest mit eine̅ wüllin
19 laß bendel vff das das pluͦt de̅
20 binden vn̅ schmertze̅ nach ziehe do
21 durch der fluß gehindert vnd ab gestellet
22 würt. Doch dz der geist des
23 selbenn gelides nit gar verstopfet
24 werde/ als ich dir zeügen wil in der
25 wundenn des geleichs by der hant.
26 Des selben gelichen her wider vm̅
27 vo̅ der lincke̅ hant zuͦ d` rechten ha̅t
28 vn̅ von der rechte̅ sitte̅ des houptes
29 zuͦ dem rechte̅ fuͦß/ vnd von der lincken
30 sitte̅ zuͦ dem lincken fuͦß. Des
31 geliche̅ geschicht ouch mit dem lassen
32 oder vintusen an setze̅. Des gelichen
33 das des siechen oug zuͦ geton
34 werde/ oder stand in einer finsteren
35 stat dz er nit mug gesehen sin pluͦtt
36 noch kein rot ding ansehe. Vn̅ das
37 man im alle zitt sage das es nyme
38 pluͦttet. Vn̅ ob es schon pluͦtet wie
39 groͤssen nutz er dar von hab/ wnnd
40 also würt gestercket die natürliche
41 krafft vn̅ das pluͦt gehindert durch
42 die widewertigen imaginierung od`
Blatt 25 verso Sp. B
1 bildung. Vnd das ist der erste syn
2 da mit zuͦ hindern de̅ fluß des pluͦttes.
3 Aber der ander sin ist die maß
4 vnd regierung wie man sich schicke̅
5 vnd ordinieren sol in den locali das
6 ist in den vsserlichen vnd vfflegenden
7 ertzenyen mit der hant/ vnd dz
8 geschicht in fillerley wiß vnd form.
9 Galienus i̅. quinto terapent. Ouch
10 lanckfrancus von meylant vnnd
11 Guido gehielt das/ das in allem
12 fluß des pluͦtes do es nit verstat wie
13 ich vor geschriben hon bald ein finger
14 dar vff gehaltenn werd zuͦ dem
15 mund der wunden vff die ader/ vn̅
16 es senfftiglichenn hebest mit druckung
17 der finger biß sich das pluͦt coagulieret
18 oder gerint/ e dann das dü
19 vff leist keine ertzeny. Das ander
20 ist das du habest puluer die do verstopfen
21 vn̅ restruieren das pluͦt vo̅
22 irer eygenschafft vnd das sie an ine̅
23 haben ein stiptica der adern/ das ist
24 ein zeugerin oder zuͦ ziehende krafft
25 der adern vn̅ da mit das fleisch machent
26 wachsen. Das drit das man
27 den munt der adern verbind vnnd
28 hefft ob man sie habe̅ mag/ wie ich
29 von dem hefftenn gelert hab. Dar
30 fierd sin ist das man die adern verbren/
31 vff das do ein estra/ das ist ein
32 rufen oder zuͦ rumpfung der adern
33 geschicht das geschicht in zweyerley
34 weg. Der ein das do geschicht mit
35 scharpfer artzeny als do ist mit vitriolum
36 gebrant oder vngebrant od`
37 mit lebendige̅ kalck. der and` sin ist
38 mit eim glüenden isin od` golt d` ist
39 gezem den erschinenden adern/ als
40 do spricht Auicenna. das dz cauterium
41 werd mit einem vast gelüenden
42 ysen vn̅ tieff also das du machest
Blatt 26 recto Sp. A
1 grob vnnd tiffe estras der abfallung
2 nit swer sy. Dar vmb in soͤlcher
3 v`brennung lobet wol theodoricus
4 Arsenicum sublimatu̅. Wa̅
5 er verstellet an stet allen flüß/ vnd
6 machet ein tieffe vnd lang werende
7 estram. Das fünft ist das du das
8 gelidt recht vf leist vnd vnderstützest/
9 das es nit vndersich hange also
10 fer es müglich ist. Das seste. ob dz
11 pluͦtten groß oder starck wer gewesen/
12 das du das vor dem dritten od`
13 fierden tag nit ab thuͦst/ e dan es die
14 adern etwas v`heilt sy Vn̅ so du dz
15 bandt ab thuͦst dz es gewarsamlich
16 vn̅ sanftlichen geschehe/ vn̅ nit freuelichen/
17 vf das du die adern nit wider
18 vf zerrest. Ob die artzeny od` dz
19 bant hert daruf gebachen wer/ das
20 du ein stu̅d od` zwo etwz vo̅ füchte̅
21 dingen dar vf legest dz du lichtiglichen
22 din ba̅d magst wid` ab getuͦn
23 vn̅ dz geschicht mit eyer clar vnder
24 roͤsoͤley geschlagen/ oder mit grobe̅
25 win ei̅ tüchlin dar i̅ genetzt vn̅ dar
26 vf geleit. Der .7. modus sint die
27 ertzeny die man dar vf leit die vorgena̅ten
28 wircku̅g zuͦ volbri̅gen als
29 ich gesproche̅ ho̅ zuͦ dem ersten als
30 lanckfrancus spricht/ dz du vf leist
31 din finger vf de̅ fluß des bluͦtes biß
32 es etwz gerin/ so soltu habe̅ ein puluer
33 gemacht von
34 Wissem lutteren wirouch 2. teil
35 Alocpaticum. 1. teil.
36 Dz puluer werd getemperiert mit
37 eyer clar in dicke des hunigs/ dar in
38 werd genetzet weich hasen har clein
39 gesnitten[?] vf die wunde geglet
40 dißer artzeny nit gelich ist zuͦ dem
41 pluͦt verstellen vn̅ die adern zuͦ setten
42 vnd heilen Wa̅ diße artzeny vo̅
Blatt 26 recto Sp. B
1 dem aloe wirouch vn̅ hasen har nit
2 allein dz pluͦt v`stelt/ sunder ouch
3 heilt vn̅ sect die arteria/ als lanckfrancus
4 vo̅ meylant vil vn̅ dick bewert
5 hat/ als er spricht in de̅ capitel
6 vo̅ de̅ bluͦt v`stellu̅g der wunde̅ vn̅
7 aderen das im zuͦ kam ein .3. ierig
8 kint dz gehebt het ein clein messer in
9 siner hant/ vn̅ dar vf gefallen. vnd
10 im der spitz des messers das foͤrderteil
11 siner gurglen die arteria durchstochen
12 het. kam er ylend zuͦ de̅ kind
13 das ietz nit me sach vn̅ die gesicht v`loren
14 het/ die ougenn in dem houpt
15 v`kert/ vn̅ dz pluͦt der adern wiß ka̅
16 dar zuͦ ei trege̅ puls. er vf den fluß
17 des pluͦtes den finger leit in vorgemelter
18 wise dz dar vß nit gie̅g. noch
19 einer cleinen zitt die kraft wider gesterckt
20 warde/ der pulß fieng an zuͦ
21 schlagen als ein faden/ subtilichen
22 sich zuͦ erzeügen do sant er nach dez
23 vorgenanten puluer in die apateck
24 vnd die apateck fer was/ noch dannoch
25 tet er sin finger ab biß der bot
26 kam/ do fieng an dz kint vf zuͦ tuͦn
27 sin ougen/ leit er dar vf die artzeny
28 wie ich gelert ho̅ vn̅ dar vber geleit
29 pulsterlin vo̅ werck genetzet in eyer clar
30 vn̅ was im gebieten zuͦ geben
31 ei̅ brosaz brotz vor in wasser gelege̅
32 des morgens er wider ka̅ dz kint wz
33 gestercket. doch er dz bant nit vf tet
34 biß an den 4. tag nüt dester miner
35 er es allen tag besach. Am .4. tag
36 loͤst er die bandt. die artzeuy dürre oder
37 drucken vf der wunde̅ was/ das
38 er sie nicht dannen moͤcht genemen
39 leyt dar vf eyer wiß v`mist mit ein
40 wenig roß oͤl wie vorgemelt ist/ ließ
41 ligen den tag. Am and`n morge̅ er
42 wider kam was die ader vn̅ wund
Blatt 26 verso Sp. A
1 festicklichen geheilt da von alle gegenn wirtigen
2 vil wunders hetten
3 ob aber die ader oder die arteria nit
4 von der artzeny wolt verston vo̅ etlicher
5 sunderlicher zuͦfel wegen/ so
6 muͦstu witter gon zuͦ dez scharpfen
7 oder verbrennu̅g oder knüpfung.
8 wie ich vor geleret hon. Jtem ein
9 a̅der gemein artzeny die do vast guͦt
10 ist vnd vß der ler auicenne.
11 Nim lebendigen kalck.
12 Sangwi̅s draconis.
13 Aloes sucotrini gelich als vil vnd
14 ein puluer dar vß gemacht vnd in
15 vorgemelter massen gebrucht. So
16 du aber wilt haben ein artzeny die
17 do me drücknet vnd restruiert. So
18 nim ein geroͤsten gal oͤpfel.
19 Sanguie̅ draconis.
20 Boly armeni.
21 Thuris
22 Aloepaticum.
23 Masticis. Jetlichs glich vil
24 vnnd von disen stucken ein puluer
25 dar vß gemacht vnnd das fierden
26 teil also vil clein gesnitten hassenhar
27 vnd gebruchet in vorgemelter
28 massen. Ein ander puluer dz do
29 gebrucht hat Rogerius vnd Jameri.
30 Nit allein das es das pluͦt stelt.
31 su̅d` ouch dar zuͦ heilet vn̅ drücknet
32 Nim Calofania. 6. lot
33 Boli armeni. 3. lot.
34 Masticis.
35 Olibani.
36 Sangwi̅s draconis yedes ein lot.
37 Radicis consolida maiorum.
38 Rosen Jedes ein halb lot. Vß disen
39 dinge̅ ei̅ subtil puluer gemacht
40 vn̅ i̅ vorgemelter massen gebrucht
41 Jtem noch etliche puluer die das
42 pluͦt verstellen/ die wil ich dir gebe̅
Blatt 26 verso Sp. B
1 in dem anteditario als hie nach stat
2 Merck das ich min tag vil solcher
3 pluͦt verstellu̅g gesehen hab bruchen
4 vnd auch gethon Aber diser gelichen
5 ich nie gesehen oder fundenn
6 hab das pluͦt zuͦ verstellen/ vnd de̅
7 munt der wunden vnd der aderen
8 zuͦ samen zü ziehen mit stiptica als
9 ein stein bringt man vß Hispanie̅
10 oder vß Galitzigen / nit wit v dem
11 weg sant Jacobs. So bald er denn
12 munt der wunden oder adern rürt
13 so zücht ers zuͦ samen vnd verstelt
14 es zuͦ stund. Aber ich nam sin auch
15 gepuluert vnd segt es zuͦ ring vm̅.
16 vmb den munt der wunden anha̅gen
17 dem stein/ vnnd dar vber min
18 gebend/ Vnd so dick ich denn stein
19 brüchen wolt/ det ich ab schabenn
20 das pluͦt das er frisch ward des gelichen
21 sin puluer das merer teil vnder
22 die obgenanten puluer gethon/
23 Vnd also gebrucht. hab ich entpfu̅
24 vberfluß vnd grossen nutz. Vnd d`
25 stein ist etwas bleich/ wiß zü zitten
26 mit rotten ederlin/ vnd von bilgerin
27 pluͦt stein genant Vnd ist doch
28 nit der stein Jaspis oder Ematitis
29 Jch hab auch vil sant iacobs brüder
30 gefraget wie oder wo der stein gefalle/
31 sagent sie mir nit wit von dez
32 bolus. Dar vmb so ist er ei̅ species
33 des rechtenn bolus. Vnnd wan dz
34 plut verstelt würt in vorgemelter
35 massen So heil dan die wundenn
36 wie ich vorgemelt hab.
37 Das sybend capitel diß andern
38 tractatz seit ob etwas fremdes in d`
39 wunden were/ als dorn sprissen bei̅
40 oder des gelichen wie man die enge̅
41 wunden wit machet.
42 Ob nun were do kein ader verwu̅dt
Blatt 27 recto Sp. A
1 wer oder pluͦt fluß in der wunden
2 wer/ vnd doch etwas fremdes were
3 zwischen den teilen der wunden als
4 ein stück beins das gescheiden wer
Blatt 27 recto Sp. B
1 vnnd stichet/ oder etwas dar in geschossen
2 als iin pfil oder dorn oder
3 sprissen/ vnd die wund eng were vo̅
4 not gebürt sich die wund witer vff zu̅ sniden
Blatt 27 verso Sp. A
1 oder vff zuͦ thuͦn vnd dz
2 geschicht in zwen weg. Einer/ das
3 du machest meysseln oder wiechen
4 vo̅ encian der wurtzelen od` marck
5 von holder oder bintzenn oder von
6 eim füchte̅ bad schwame̅ stick hert
7 gebundenn mit eim faden vnd vff
8 eim warmen ysin gedoͤrt/ vnd dan
9 den faden wider darvon gethon vn̅
10 von disen meisselen ye einer groͤsser
11 dan der and` gemacht vn̅ gebrucht
12 biß es kumpt zuͦ der groͤsse als du
13 begerest. Der ander weg/ das du
14 vff schnidest die wundenn mit der
15 schereen vorgesprochen oder mit de̅
16 schermesser. Aber erschroͤcklich ist
17 es dem menschenn. Dar vmb ist
18 es min rat das du bruchest die vorgenante̅
19 meisselen. Ob es aber sach
20 were das die meisselen nit hülffent
21 vnd auch der mensch das schniden
22 schrecke̅s halp nit moͤcht erlide̅ So
23 gebürt sich dz du im disen dol tra̅ck
24 zuͦ trincken gist do von er entschlaffet/
25 vnd der schnydung auch nit enpfindet
26 den mach also.
27 Nym die wurtzel salatru̅ mortale.
28 Semen iusquiami. iedes ein lot.
29 Papaucris albi.
30 Papaueris nigri. iedes ei̅ quintlin
Blatt 27 verso Sp. B
1 Opium theobaicum. ein quintlin.
2 Croci orientalis.
3 Corticum mandragora
4 Lignum aloes.
5 Cinamomi
6 Castorium. Jedes ein quintiln.
7 Vß dißenn stücken mach vast ein
8 grob puluer von dem puluer nym
9 zwei quintlin vn̅ süde das mit mal masyer
10 vnd gibs im zuͦ trincken vf
11 einem mal.
12 Vnd wan er also schlaffet in dem
13 schlaff so schnide im die wunden also
14 wit du noturfftig pist/ vnd so es
15 gnuͦgsam offen ist so zühe die vberflüssikeit
16 senfftiglichenn her vß on
17 schmertzen mit dinen fingern oder
18 mit zenglin oder pfilzangen. Des
19 gelichen büßen kloͤtz/ mit zangenn
20 vnd andern instrumenten als du
21 her nach hoͤrenn würst. Ob es aber
22 sach were das die wund wit wer gemacht
23 von den meisselen oder der
24 schnidung halb/ das du sorg halbe̅
25 des lebenß oder verlierung der gelider
26 nit witter sniden tarst. So tuͦn
27 dar in den loucher vff zuͦ drenenn
28 die wundenn oder stich vff das du
29 lichticklichen dar in magst gethuͦn
30 din instrument.
Blatt 28 recto Sp. A
1 Von vssziehung der pfil
2 Das achteste capitel disz andern tractates
3 würt dich leren die vßziehung der pfil büchsen klotz oder wz in des mensche̅
4 lichnam lit.
5 Nun ist zit zü gon in die ordenung
6 einer ieden widerwertikeit was das
7 ist. Es sy pfil. buchsen kloͤtz. dorn.
8 bein. stein. was do ist in denn vorgenanten
Blatt 28 recto Sp. B
1 wundenn/ wie man die vß
2 vnd dannen thuͦn sol on schadenn
3 vnd verlierung der gelider/ vnd dz
4 geschicht in fillerley wiß vnd form
Blatt 28 verso Sp. A
1 Nach dem die in geschossenn oder
2 ingestochen werdent nach der meynung
3 der vernunfft vnnd sinne.
4 Vnd der sin zuͦ finden würt geübt
5 durch die betrachtunge der natur
6 vnnd manigfaltikeit der ingeschossenenn
7 vnd vnderscheit der gelider
8 vß dißen zweien würt das dritte. dz
9 sint die instrumentenn vnnd hantwirckunge
10 des cirurgicus die doch
11 vnzelichen sint vnd gewarlichenn
12 geschriben mag werden. Dar vm̅
13 ist min rat das du vff merckunge
14 habest die gestalt vnd form des dz
15 dar in gestochen oder geschossen od`
16 in welchen weg das dar in kumenn
17 wer. Vnd das auice̅na begreift vn̅
18 teilt in achterley wiß vnd form vn̅
19 von denen sag ich die gemeinstenn
20 vmb kürtzerung willen. Der ingestochenen
21 sint etlich von ysin. etlich
22 von dornen. etlich von beine̅. etlich
23 von glaß. Oder ein anders. Etliche
24 sint schlecht. etliche krump. etliche
25 eckecht spitzenn. etliche zwei eckecht
26 spitzen. etliche dry eckecht spitzenn.
27 etliche runt. etliche wider hackenn.
28 etliche hant hülen dar in der schafft
29 des holtz ist gewesenn. Etliche habent
30 ein nagel der in dem holtz ist
31 gesteckt. Etliche sint vergifft. etliche
32 nit vergifft. vnnd etliche stecken
33 in dem fleisch. etliche in dem gebein
34 Dar vmb sint etliche offenbar in
35 die es nit vast kumet als in das gebein.
36 etliche sint tieff in die es versencket
37 würt das es nahe kumet zuͦ de̅
38 wider wertigen teil/ das ist gegenn
39 der anderen sitten. Vnd so du dz
40 genuͦgsam vndericht bist/ so ist noturft
41 das du habest etliche zenglin
Blatt 28 verso Sp. B
1 vnd die ersten sint die zenglin Auicenne /
2 vnd sint halp krump vnnd
3 hont inwenig zen Die andern sint
4 zenglin albucasis. geformiert eine̅
5 storckenn schnabel gelich/ inwenig
6 gezent. Die drytten sint hole zenglin
7 zuͦ den bücchsen kloͤtzen als ich
8 vor geleret hon. Die fierdenn sint
9 vm̅ kerte neberlin die da go̅d in ein
10 ror wie ich vor geseit hon so das isin
11 herüß ist. Die fünffte̅ sint schlehte
12 neberlin fornenn vast scharpf als
13 ich vor geseit hon/ wan das holtz abgebrochen
14 ist. das du in das holtz
15 sanfft magst boren vnd dan her vß ziehen.
16 Das sechste ist ein loucher
17 da mit du das fleisch von ein ander
18 trengest/ dar durch din instrument
19 sanfft thuͦn magst din fürnemenn
20 zuͦ volbringenn. Der sin vnd model
21 zuͦ wircken in soͤlchen obgemelten
22 sachen ist Das du solt mercke̅
23 die zeichenn der gesuntheit oder des
24 sterbens. e dann das du im vnderstandest
25 eincherley wirckunge mit
26 der hant zuͦ thuͦn. Jst dan sach das
27 du sihest ein zeichen des todes/ So
28 soltu das geschoß mit nichtenn vß ziehen
29 das er nit dester e sterb biß du
30 in bewarst mit dem heilgen sacrament
31 also hernach geschribenn stat
32 Jst aber das du kein boͤß zeichen syhest.
33 so züh das geschoß vß vnd heil
34 es. Wan wor vmb ist das geschoß
35 in das hirn so ist dem me̅schen vast
36 we in dem houpt vnd loufft etwan
37 schum zuͦ der wunden vnd zuͦ dem
38 mund vß als ich selber gesehen hon
39 das ein edelman wolt zuͦ dem zil
40 schiessenn/ da ließ im das armbrost
41 von vngeschicht schoß er einem by
Blatt 29 recto Sp. A
1 dem schlaff in das hirn das im der
2 schuͦm zuͦ dem mund vn̅ wunden
3 vß gieng/ do wolt man im den pfil
4 vß gezogen hon do gebot ich in den
5 pfil lassen zuͦ stecken biß er bewart
6 wart mit dem heilge̅ sacrament vn̅
7 de̅ heilgen oly vnd dar nach so bald
8 wart d` pfil vß gezogen von stund
9 an was er todt. Wa̅ er aber geschossen
10 ist in dz hertz/ so gat swartz bluͦt
11 dar vß das ist doͤtlich. Jst aber das
12 geschoß in der lungen/ so gat schümecht
13 pluͦt dar vß. Jst es aber das
14 es kumet in den magenn/ so gat die
15 kost vngedewet dar vß. Jst es aber
16 das es kumet in die gederm/ so gat
17 die kost vnd die gederm hervß. Jst
18 es aber dz es kumpt in die bloß/ so
19 gat der harn dar vß vnd das ist doͤtlich.
20 an andern stetten do es nit doͤtlich
21 ist so zühe es vß als ich dich leren
22 wil vnnd heil es als ein andere
23 wundenn vn̅ das geschoß würt in
24 mancherlei wiß vß gezogenn/ doch
25 das merer teyl so sint der weg dry.
26 Der erst/ das es vßgezogen würt
27 mit zangen vn̅ instrumente̅ als hie
28 nach vn̅ auch vor stat. Der ander
29 weg. das es mit gewalt durch schlagen
30 würt das es zuͦ der ander sitten
31 vß gat do es nit ingangen ist. Der
32 dryt weg/ so es nit gern vß gat/ oder
33 heilsamcklichen vß gezogenn mag
34 werden. vrsach als ich ob geschribe̅
35 hab dz du nit magst die wunde̅ witteren
36 i̅ keinerley weg wed` mit meysselen
37 oder mit sniden/ So laß man
38 es ful werden etwa̅ manche̅ tag/ so
39 gat es gern her vß. doch dz man beweg
40 hin vn̅her gar senfftigklich vn̅
41 dz ma̅ dar vff leg etliche plaster die
42 es ansich ziehent vn̅ ich hie vndenn
Blatt 29 recto Sp. B
1 zeügen wil. Jst es aber sach das es
2 gelipft ist vn̅ schwartz/ oder das er
3 mit einer büchsen geschossen ist/ so
4 thuͦn im als ich hie vnden lere̅ wil.
5 Aber solche vßziehu̅g mit plastern
6 mag kümerlichen geschehe̅ on wytmachung
7 der meysselen od` snidu̅g
8 als ich vor geschribe̅ hon das in la̅gem
9 weg verzogen würt. Wie wol
10 dz heinricus spricht dz ma̅ es bald
11 vßziehe̅ sol/ das do ist ouch die meinu̅g
12 Auicenne Albucasis brunus
13 Vnd dar noch sie heilen als ein andere
14 wund. nit me dan dz das vberflüßige
15 pluͦt das zuͦ eyter wordenn
16 ist/ gemundificiert werde. Ob man
17 aber foͤrcht zuͦ fallenden schmertze̅
18 ist nütz vn̅ guͦt das man dick dar i̅
19 tuͦt heyß oͤly. Jst sie aber geschehenn
20 von v`gifftigen tieren. so tuͦn im als
21 ich leren würd her nach ann sim eygen
22 end. So nun du anfahen wircken
23 wilt mit der hant vnd die erkennu̅g
24 geschiht ob das ein pfil sy/ wie
25 die gestalt ist oder büchsen klotz od`
26 anders. wie oder was das ist. So
27 schick vn̅ bereit den siechen nach de̅
28 vnd er zuͦ bereitte̅ ist vnd nin war
29 ob der pfil in dz houpt geschosse̅ ist
30 vnd ob er kein boͤßen zuͦ fal hat. so
31 folg nach Heinrico vnd Auicenne
32 vnd zühe vß behendicklich den pfil
33 mit einer zangen die dar zuͦ geeige̅t
34 ist/ wie ich vor geleret hab. Würt einer
35 aber geschossen in ein bein/ vnd
36 das der pfil geritten ist So tuͦn im
37 als ich dich hie nach lerenn wil von
38 dem künig von vngern ob anders
39 das holtz her vß ist. Oder schnid vff
40 der andern siten dar gege̅/ ob es müglichen
41 ist vn̅ zühe das isin her vß.
42 Jst aber sach dz er geschossen würt
Blatt 29 verso Sp. A
1 so sol man de̅ pfil suͦchen mit einer
2 zangen/ oder mit einem schmalenn
3 silber oder yselin wuͦ er ist vnd zühe
4 in vß mit einer schmalen zangenn
5 behendicklichen. Jtem ob du in
6 magst mit den instrumentenn vß bringenn
7 Jst dan das loch enge so
8 witer dy in vorgemelter massen mit
9 quel meysselen oder schniden offenlich
10 oder in dem schhaff/ vnd zühe
11 den mit dinen instrumentenn her
12 vß/ Ob das nit sin mag so lege im
13 dar vff plaster vnnd gib im trenck
14 als ich her nach leren wil/ nit allei̅
15 in disez capitel sunder ouch in dem
16 antidotario du findenn würst. Vn̅
17 sol auch gegen der wunden ligen so
18 er meist mag. vff das im der tranck
19 dester bas vßtrib/ vnd das plaster
20 ansich ziehenn mag. Als du in gewar
21 würst so züh in vß.
22 Jtem wer geschossenn würt mit einem
23 pfil wo das ist an dem lib. der
24 sol das holtz vß dem ysin nit ziehen
25 Dar vmb ob der pfil tieff stecket
26 wan zühest du das holtz her vß so v`lürest
27 du das isin/ so weiß man nit
28 wo ma̅ das ysin findt vnd geschiht
29 im als künig Mathias von vngeren
30 geschach Wart mit einem pfil
31 geschossen in ein arm vnd das holtz
32 her vß kam das mann das ysin nit
33 finden kunt. Do schreib er vß welcher
34 im das ysin on schaden vß det
35 dem wolt er groß guͦt gebenn. Wo
36 aber das nit gescheche/ müst er das
37 lebenn verloren han. Do kam zuͦ
38 im hanß von dockenburg / verband
39 im die wunden da in er geschossenn
40 wart das do kein eyter dar vß moͤht
41 etwan manchen tag/ vnnd leit abwenig
42 der wunden ein külung oder
Blatt 29 verso Sp. B
1 defensinu̅ also.
2 Nym boli armeni
3 Essig
4 Canfer einwenig
5 Roß oͤly vnnd eyer clar der beyder
6 das sin genuͦg würt in der dicke als
7 ei̅ dünner hunig vff dz sich der arm
8 nit enzundet von dem gebend/ do
9 samelt sich der eyter vmb das ysen
10 wnd wart ein hoͤhin vnd ein roͤttin
11 Do greiff er das isin glich vorn an
12 der spitzenn der hoͤhin/ vnd schneid
13 dar in kum durch die hut/ da wist
14 das ysen erfür Da nam ers on za̅g
15 her vß. Da gab im der kunig groß
16 guͦt vnnd schluͦg in zuͦ einem ritter
17 vnd groffenn/ als er mir selbs mit
18 sinem mund hat geseit wie er es hervß gethon
19 het.
20 Dar vff soltu merckenn ob du
21 das ysin nit findenn kanst/ oder an
22 gelegen stetten ist dar nach zuͦ schniden
23 als an armen oder beinen.
24 Ob aber das holtz her vsser ist gangen/
25 vnnd blibet das pfil ysen darin.
26 So stoß ein zang dar in genant
27 ein neber in einem ror/ vnd schrub
28 es vff vnd zühe es her vß. Ob aber
29 das nit wol gesin mag/ so mach dz
30 loch witter mit den quel meysselen
31 oder schnidenn als ich vor geleret
32 hab/ vnnd zühe es vß/ also das du
33 denn loucher zuͦ dem erstenn in die
34 wunden tuͦst. Dar nach die rorza̅genn
35 vff das sie sanfft in gange.
36 Jtem ob er aber in dem vß ziehen
37 nit lichtigklichen wil vßgon so du
38 das vnderstost vß zuͦ ziehen als du
39 da̅ das ysen ergriffenn hast mit der
40 zangen vnnd es dir nit folgt/ Als
41 einem geschach in dem Burguner krieg
42 vor blomunt der do geschosse̅
Blatt 30 recto Sp. A
1 ward mit einem pfil/ vnd das ysin
2 dar innen bleib vnnd das holtz her vß kam/
3 Zuͦ dem etwan mancher
4 guͦter meister berüfft wart die vnd`stu̅den
5 im das isin vß zuͦ ziehen/ do
6 wolt es in nit folgenn. Do wart
7 hanß meyer vonn Straßburg ein
8 scherer vnnd wund artzet dar zuͦ berüfft
9 als er soͤlche irrunge gesehenn
10 het. Do nam er die zang in sin ha̅t
11 vnnd mercket das das ysin wider hacken
12 het/ do want er die zang vm̅
13 das die geschicklikei̅t des wider hacken
14 gekert wart als er in was gangen/
15 von stund an gieng das pfilisin
16 her vß Von allen andere̅ meistern
17 Ritter vnnd knechtenn e gelobet
18 wart. Doch sie nit westen wie er es
19 hervß gethon het.
20 Jst es aber sach das es nit mü. glichenn
21 ist zuͦ thuͦn an dem selben
22 end mit dem vßziehenn/ vnnd das
23 nahe hin durch gangenn ist. Ob es
24 dan in einem bein stecket/ ist dann
25 das holtz dar in beliben So chlahe
26 in fols hin durch/ vnnd zühe in dan
27 vff der andern sitten her vß.
28 Jst aber das holtz her vß. So slah
29 das ysen mit einem andern hiltzen
30 instrument als ein pfil dar durch.
31 Des gelichenn ob das in der tieffe
32 des libes ist Aber das gantz soͤrcklichen
33 ist. Dar vmb merck ob das
34 pfil ysin also tieff in die hüle des lybes
35 gesencket were das man es mit
36 nichten vß geziehen moͤcht in keinerley
37 weg weder mit pfil zangen oder
38 mit plastern. quel meysselenn oder
39 schniden do es ingegangenn wer od`
40 das widerteil vß besorgu̅g verlust
41 des lebens. So soltu dan lassenn
42 das ysin steckenn/ biß das die natur
Blatt 30 recto Sp. B
1 das pfil isen vß tribet vnd sich offenbart.
2 Wan albucasis spricht vo̅
3 villen in den pfil ysen lange zit verborgen/
4 Des gelichenn buchsenn cloͤtz
5 gelegen sint vnd lange zit lebten
6 on schaden mit in.
7 Jtem ich hab gesehenn einen snider
8 dem eyn ney nadel in den rücke̅
9 gangen was zuͦ wirtzbürg / die er ob
10 zwentzig Jaren in dem rücken truͦg
11 e dan das sie im vß geschnitte̅ wart
12 Von den artzeuie̅ die
13 do vß zihent dorn. sprissenn. glaß.
14 bein. vnd bein stücklin. Fant Guido
15 ein eygene artzeny genomen von
16 Auicenna vnnd würt also das du
17 nemest
18 Frumenti
19 Mellis
20 Vnreinikeit vß dem bin vaß. iedes
21 ein halb pfunt.
22 Lym als do man voͤgel mit vohet
23 8. lot.
24 Armoniacum. 4 lot
25 Bom oͤly. 8. lot.
26 Vnd mach ein plaster dar von vn̅
27 bruchs wie ich vor geseit hon. Oder
28 mach im aber diß plaster das do an
29 sich züht pfilysen od` wachs vo̅ isen
30 in dem mensche̅ stecke̅ ist
31 Nim apostem der do gemacht ist
32 nach der ler nicolai. 4. lot.
33 Magneten stein den ma̅ bringt vo̅
34 Orient. 2. lot.
35 Gelbenn augstein.
36 Polipodium.
37 Diptami albi. iedes ein halp lot.
38 Hasen schmaltz. 2. lot.
39 Hanff sat oͤly. 1. lot.
40 Terbentin ein halp lot.
Blatt 30 verso Sp. A
1 Vnd mach ein plaster dar vß vnd
2 leg das dar vff. Jtem Rogerius
3 spricht das er bewert hab so mann
4 stoͤsset ror wurtzlen mit hunig/ das
5 dar vff geleit zühet vß on smertzen
6 bein. stein. vnd glaß. So ver ob es
7 nit zwischen beinen stecket vnd das
8 loch wit genuͦg were. Were es aber
9 zuͦ eng/ mach es wit mit meyßelen
10 oder sniden wie ich vor geleret hab.
11 Ob das aber nit geschehe so maturier
12 es mit maturatiuu̅ das es eyteren
13 werde. So flüsset es mit dem eiter
14 her vß/ vnnd mundificier dann
15 die wunden. Jst es not so incarnificiers
16 vnnd Sigeliers/ wie ich vor
17 geseit honn. Jtem hie wil ich dir
18 schriben ein wunderliche zamen legunge
19 mit wunderlicher tugent vn̅
20 würt gesatzt von Auice̅na in quinto
21 canone ad andromace/ wann es
22 suget vnd zühet vß die zerstoͤrtenn
23 bein. dorn. oder gabelpfil
24 Nym koͤrner von datel bom.
25 Surach rubei
26 Sal armoniacum
27 Aristrologie longe
28 Radicis cucumeris asinini
29 Terbentin. iedes .5. quintlin
30 Xiper nigri
31 Piper albi
32 Armoniaci.
33 Amoni.
34 Pilobalsami. iedes dryt halp quin.
35 Turis masculi
36 Colofonie
37 egles houpter. iedes dyrit halp quin.
38 Mulber bom milch. drytt halp. q.
39 Wachs. 4. quintlin.
40 Druͦsen von wiß gilgenn oly das
41 su genuͦg sy
42 Hie von ein plaster gemacht vnd
Blatt 30 verso Sp. B
1 dar vff geleit. Doch ist vast guͦt
2 das man es vorsuge/ oder ein cleyn
3 vintüsen dar vff setz nit lang/ e dan
4 du das plaster dar vff gelegest.
5 Das nunde capitel
6 disz tractatz seit do einer
7 geschossen ist mit
8 einem verliptenn oder vergiftenn
9 pfil.
10 Jtem do eyn mensch geschossen ist
11 mit einem vergifften pfil oder and`
12 instrument/ vnnd du im den vßgethon
13 hast in vorgemelter massenn
14 geschriben stat da der mensch große̅
15 schaden von nimpt/ das zuͦ zittenn
16 vonn einem gelid zuͦ dem anderen
17 kumpt/ wann man das nit by zitte̅
18 fürkumpt. Wann war vmb. Jch
19 Jheronimus brunzwig / bürtig vo̅
20 Straßburg hon gesehen einen der
21 gebyssen warde in einen duͦmen vo̅
22 eine̅ der in fohen wolt der des nachtes
23 etwas gessen het/ in meinung dz
24 morgens pfil vnd ander woffen zuͦ
25 verlipfen vnd vergifften. Vnd als
26 er in fahen wolt/ warff er in vndersich
27 vnd druckt im den kopff in ein
28 mur sich zuͦ entschütten/ also kam
29 im der duͦm in sin munt vnd beyß
30 in/ vnd wolt in nit lon gon biß das
31 im der munt vol bluͦtz wart vnnd
32 ersticken wolt von dem bluͦt. Da
33 det er vff den munt vnd ließ in gon
34 doch des morgens sprach er er hetz
35 sin genuͦg/ er mag kum mit dem leben
36 dar von kumen Das ouch geschach
37 wan wor vmb im fulet der
38 duͦmen/ das ma̅ im in ab schniden
39 muͦst. Dar nach die ha̅t. dar nach
40 de̅ arm d` ouch ab wart gesnite̅ vn̅
Blatt 31 recto Sp. A
1 geswal der gantz lib in massen eins
2 wassersüchtigen menschen gar nah
3 todt/ doch kum mit dem leben darvo̅kam.
4 Dar vm̅ muͦstu mit fliß
5 vn̅ ernst mercken dz du ym gebest
6 zu̅ ersten tiriaca magna ein qüintlin
7 mit win vermengt in dem gesotten
8 ist tormentil. diptam vnd meyster wurtz/
9 vnd des winß vnnd rutten
10 wasser iedes ein lot. vnd im das
11 ie vber .24. stundenn ein mal gebest/
12 vnd in die wunden do der pfil
13 vß ist gezogen do güß in ein warm
14 viol oͤly/ vonn linsot oͤly gemacht
15 wie ander viol oͤly vnd ein meyssel
16 gesalbet in dem selben oͤly vnnd in
17 die wunden gesencket so züht er die
18 gifft her vß vnd thuͦn des oͤlß auch
19 in das plaster oder salben oder wo
20 mit du in heilen wilt das du im vff leist
21 so geniset der mensch. Des gelichen
22 duͦt es ouch so du geschossen
23 bist mit einem büchsen klotz/ so dz
24 puluer oder sin gifftikeit dar innen
25 bliben ist das das puluer bald her vß gat
26 vnnd machet ouch die wunden
27 fin eytern vnnd bringt sie ouch
28 in ein heile. Oder mach im das oͤly.
29 Nim linsot oͤly ein pfunt.
30 Canfer ein lot
31 Das vnder ein ander getemperieret
32 vnnd dan von dem ie ein wenig
33 gewermet vnd dar in ein meyssel genetzet
34 vnd in die wunden gestossen
35 vnd gegossenn/ vnnd dar vber eyn
36 guͦt grün wunt plaster geleit so heylet
37 es on zwifel
38 Das zehende capitel
39 des a̅dere̅ tractats seit
Blatt 31 recto Sp. B
1 do einer geschosse̅ ist mit einer büchsen/
2 vnd das puluer die wund vergifft
3 hat. Oder aber der klotz noch i̅
4 der wunden stecket.
5 Jtem do einer geschosseo ist ist mit
6 einer buchsen vnnd der klotz her vß
7 ist vnnd von dem puluer vergifft
8 oder etwas des puluers noch dar in
9 beliben ist. Jn einem arm. bein. od`
10 wo es ist/ das der klotz durch gange̅
11 ist. So nim ein herin seil vnd stoße
12 das durch den schuß/ vnnd zühe es
13 hin vnd her vff alle ort so machest
14 du das puluer vß der wunden.
15 Wil dann die wund nit eytern So
16 machtu darin machenn ein meyssel
17 vo̅ speck genetzet oder gesalbet forn
18 mit ein wenig or schmer vnd in den
19 schuß gethon es sy vo̅ büchsen klotz
20 oder puluer oder von verlipeen pfilen.
21 So züht er alle gifft an sich dz
22 kein gifft in dem loch belibet vnnd
23 machet das loch ouch eittern. Da̅
24 so heil es mit guͦtten plasternn oder
25 Nim oleum rosarum. 2. lot.
26 Terbentin. ein halp lot.
27 Canfer gepuluert. ein quintlin.
28 Vnder ein ander gemenget vnd davon
29 ie ein wenig gewermet vnd mit
30 meysselenn oder fessalot in geleyt.
31 So züht es die gifft her vsser Aber
32 man sol im gebenn zuͦ allen zitten
33 Tiriace electe ein quintlin mit win
34 dar in gesotten sy castorium. Wan
35 du aber werest in einem witten feld.
36 da du keinerlei ertzeny wol habenn
37 machtest. So nim du geyß_ oder kümilch
38 Doch geiß milch die wer die
39 best das man die wundenn da mit
40 wüsche. Jtem do einer geschossenn
41 ist mit einem büchsenn klotz
42 vn̅ der klotz noch in de̅ lib steckt/ so
Blatt 31 verso Sp. A
1 mach das loch wit mit meysselenn
2 oder schniden wie ich vor geleret ho̅
3 von den pfilenn oder ander ding ob
4 es müglich ist. Dan so soltu habe̅
5 ein kugel zangen vnd solt im dan
6 hübschlich vnd subtilichen da mit
7 in die wunden griffen. Vnd griffestu
8 dann den stein so züh in da mit
9 her vß. Jtem ist es aber sach das
10 du die wunden nit witter machenn
11 kanst oder schniden. So nim dann
12 das iserin instrument/ das do heisset
13 ein storcken schnabel. Oder aber
14 ein loucher vnd thuͦn den in die wu̅den
15 biß vff den klotz vnnd drucke
16 die hinden an zuͦ samen/ so drenget
17 er vor an die wundenn von ein ander
18 so thuͦn dar zwischenn die kugel zang
19 dar in vß zuͦ nemen den klotz
20 Wer es aber sach das den klotz nit
21 finden moͤchst/ so thuͦn als her Joha̅nes
22 von dockenburgk dem künig
23 von vngern det als hernach geschri
24 stat. Jtem ich hab gehoͤrt von
25 einem warhafftigenn man Das
26 hanß vlrich von badenn zuͦ einem
27 berüfft ward der mit einer büchsen
28 geschossen was vnd der klotz in im
29 stecket vnnd niemantz wust wo er
30 was dann das er ein we im lib het
31 darvon Da gebot im hanß vrlich
32 von margraffen badenn das er ein
Blatt 31 verso Sp. B
1 armbrost an dem buch spanne̅ solt
2 vnd do er das vnderstund zuͦ spannenn
3 von dem getreng vnnd atem
4 des menschenn wart der klotz in die
5 vsserstenn hut des buchs her für getribenn/
6 das maniglich sach vnnd
7 greiff das der klotz da was. vo̅ stu̅d
8 ergreiff er in vnnd schneid vff denn
9 klotz vnd det den stein on alle zangenn
10 her vß. Wie wol vil meyster
11 vor im dar vber gewesen worent.
12 Jtem ist aber einer geschossenn
13 mit einer büchsen vn̅ der klotz noch
14 dar innen steckt vnd in nit mit der
15 zange̅ hervß bringen od` gewindne̅
16 magst/ oder vonn forcht des todes
17 nit dar zuͦ schniden darst/ vnd doch
18 wol weist wo er lit/ so soltu im dar
19 zuͦ ruͦmen vnd im quel meissel machen/
20 vnd das loch gewittert würt
21 so nim dann das krut genant erenparis/
22 Vnd das krut genant maßliebelin
23 glich vil vnnder ein ander
24 wol gestoße̅ vn̅ binde dz des abentz
25 dar vff. so findestu in sicherlichenn
26 morgens vor der wundenn ligenn
27 Aber das ist die warheit dar nach er
28 tieff lyt oder das er etwar in stecket
29 so muͦß man es lenger dar vff lassen
30 ligen. Ob er aber fry lit vnd die
31 wund wit ist/ dester e kumet er her
32 vß.
Blatt 32 recto Sp. A
1 Von den quetsten wunden
2 Das alffte capitel diß anderen tractats wurt
3 sagen von den wunden mit einer zer knytschunge oder quetschung.
4 Von den wunden die do beschehen
5 mit einer zerknytschu̅g der hut.
6 fleisch. adern vnd des gebeinß. Wie
7 wol das gebein seltenn zerknytschet
Blatt 32 recto Sp. B
1 würt. Es würt e gespriset vn̅
2 gerissenn als ich vor gemeldet han
3 oder aber gar enzwey. Jtem dise
4 wundenn werdent vnd geschehent
Blatt 32 verso Sp. A
1 durch die zerknytschunge von dem
2 valle vnd begegniß wegen so einez
3 begegnet in einem louff das eins dz
4 ander stosset ongeuerlich od` geuerlich.
5 Des gelichen mit eine̅ streich
6 der nit scharpf ist/ ouch nit schnidet
7 oder stichet. Als ein stein_. steckenn_.
8 oder kolbenn schlag. Oder do einer
9 von der hoͤhin felt das vor gemeldet
10 ist. Oder begegniß wid` die wa̅dt
11 oder trytt des pferdes füß. Wie die
12 geschehen. Dar vmb dise wunden
13 haben vnderscheit gegen den wunden
14 die do geschehe̅ mit de̅ schwert/
15 degen/ oder andern scharpfen waffen
16 die do schnidenn oder stechenn.
17 Es gebürt sich aüch ein andere cur
18 Wan die vorgenantenn wundenn
19 sint noturft so sie frisch sint wie ich
20 vor geleret han ein conglutinatiuu̅
21 Zuͦ samen limung. Mundificatiuum.
22 Zuͦ reinigenn/ ob sich das die
23 noturft erheischet Dar mit consolitiuum.
24 Zuͦ heilen/ wan die alten
25 sprechenn/ es würt nümer keinerley
26 guͦt consolitiuu̅/ es sy dan ein mundificatiuu̅
27 dar by. Aber in disen wu̅den
28 ist nit gefügliche̅ ein solche cur
29 zuͦ thuͦn in der knytschu̅g/ wann in
30 der knytschung würt das fleisch zer mürschet
31 vnd die torpor der adern
32 arteria vnd nerui wan von gebürliche
33 wechselheit des gebeines selte̅
34 würt geknytschet wan es im widerwertig
35 ist/ Auch nit wol sin mag.
36 Aber von vßerlichen dingenn offt
37 geschicht vnd funden werdent eyn
38 zerknytschung zwischenn dem bein
39 vnd schlagenden instrumenten ob
40 da sol werdenn ein wunde. Etwan
41 geschicht ouch ein zerknytschu̅g on
42 wundenn des fleisches vnd das geschicht
Blatt 32 verso Sp. B
1 auch in mancherley wiß/ etwan
2 in dem fleisch/ etwann in dem
3 geeder/ etwan in dem inneren edlen
4 gelidern. Da von ich hie nit sagen
5 wil sunder allein von denen die da
6 mit einer verwundung vnd seru̅g
7 geschehen.
8 Jtem so dir nun für kumet ein
9 solche offnung oder verserünge des
10 fleisches/ vnd du dich ir vnderwinden
11 wilt zuͦ heilenn durch die consolatiua.
12 so gebürt dir war zuͦ nemen
13 vnd zuͦ bedencken des menschen co̅plexen.
14 Starck. kranck. alt. od` iu̅g
15 mager oder eines follenn geblütz/
16 oder füchtikeit. Das dü im lassest
17 das widerteil da durch abgezogen
18 vnd geminert würt der zuͦ fluß eyn
19 apostem zuͦ werden. Das do ist ein
20 fulung des gelides. Jst aber die co̅plex
21 schwach/ alt/ vnd weniges geblütz.
22 So ist nit not ein soͤlche leß
23 zuͦ thuͦn. Sunder das gelidt zuͦ beschirme̅
24 vnd behütten vor soͤlchem
25 zuͦ fluß. Vn̅ das geschicht mit warmem
26 roß oͤly vmb die wundenn gesalbet
27 zuͦ dem dickern mal vn̅ darvff
28 gesprenget gepuluert mirttillenber
29 das do ist ein geschlecht der heidber
30 do mit man ferbet. Wann diße
31 artzeny die stat vnd die fulung nit
32 lasset die stat vm̅ gen. Ob aber die
33 wund wer ietz angefa̅gen zuͦ fulen
34 vnd eyter zuͦ geben. So ist noturft
35 das zuͦ reinigen mit eyer dotter vnd
36 roß oͤly vnder ein ander geschlagen
37 vnd vff fesselat in die wunde̅ geleit
38 vnd dar vber mundificatiuu̅ von
39 roß hu̅g/ gersten mel vnd ein wenig
40 wiß geschlagenen terbentin. vnd dz
41 also lang gethon biß sich die fulu̅g
42 eyter vnnd zermischet fleisch würt.
Blatt 33 recto Sp. A
1 Dar nach gebir wider das fleisch/
2 ob es not ist vnd heil es dan als ein
3 ander wundenn. Wer aber das zerknytschet
4 gelid vol walt wachs als
5 der fuͦß oder hant nit leg dahin das
6 vorgenant eyer totter mundificatiuum
7 vo̅ hunig gersten mel. Sunderlich
8 vmb salb die wunden vnd
9 das gelidt mit warme̅ roßoͤly darvff
10 gesprengt mirtillen puluer vorgemelt.
11 Vnnd leg vff die wunden
12 wiß geweschen terbentin zwischenn
13 zwei linenn tücher. Wann aber der
14 schmertzen vnd der zuͦ fluß hat vffgehoͤrt/
15 vnd die geschwulst hat anfahen
16 nider zuͦ sitzen dan soltu nützen
17 vnd bruchen das vorgenant mu̅dificatiuu̅
18 von roßhunig vnnd gersten mel
19 das do geseit ist in der cur
20 Der wilt wachs vnd dise cur ist bewert
21 vo̅ Galieno vnd Lanckfranco
22 on zal.
23 Das zwolffte capitel
24 diß andern tractatz würt sagen vo̅
25 den wundenn in dem gebein in welchen
26 weg die beschehen sint.
27 Vo̅ den wunde̅ die do geschehe̅ sint
28 in de̅ gebein/ wie wol das noch Galieno
29 in sexto alle vff lesung des ga̅tzen
30 gebeinß mit v`wundu̅g od` on
31 v`wundu̅g noch kriechischer zunge̅
32 bruch genant werde̅. Doch so folg
33 ich nach der latinischen zunge̅. So
34 das gebein on v`wundu̅g deß fleisch
35 gebroche̅ ist/ dz ein bruch zuͦ nenne̅
36 ist Aber so das fleisch mit dem bein
37 gewunt vnd dar zuͦ gebrochen ist/
38 Das ein wund zuͦ nenne̅ mit dem
39 bruch/ Vn̅ soͤlche wund geschicht
40 in zweyerlei wiß. Zuͦ de̅ erste̅ das dz
41 fleisch mit dem bein mit eine̅ scharpfen
Blatt 33 recto Sp. B
1 waffen v`wunt würt. Ouch in
2 mancherley wiß vnd form/ etwan
3 das bein vberzwerch gantz enzwei gehowen/
4 etwan ein teil dürch hauwen.
5 etwan ein stück dar von gehowen.
6 Der ander weg ist das das
7 fleisch vo̅ dem bein v`wunt würt in
8 ma̅cherley wiß vn̅ form. Etwa̅ dz
9 einer geschlagen würt mit eine̅ kolbe̅
10 od` stecken/ das dz fleisch vn̅ das
11 gebein zermürschet würt/ Etwan
12 das einer felt von einer hoͤhin/ oder
13 aber geworffen würt mit eine̅ scharpfen
14 stein oder ander instrume̅t davon
15 nit allein die hut/ sunder auch
16 das fleisch vnd geeder zermürschet
17 vn̅ quetschet/ dar mit das bein verwunt
18 würt. Das doch selte̅ geschicht/
19 wie wol das zuͦ zitte̅ ein bein gerissen.
20 gespalten. gequetschet/ etwa̅
21 in große. etwa̅ in cleine stücklin die
22 v`serung geschehen ist. Alle diße puncten
23 vnnd artickel gebürt sich dem
24 wund artzet in siner gedechtniß zuͦ
25 haben/ e dan das er einiche cur anfahet
26 zuͦ tuͦn. Zuͦ dem erste̅ so dir furkumet
27 ein glidt in dem ein bein zerbrochen
28 ist/ vnnd die hut noch das
29 fleisch weder gewunt noch gequetschet.
30 So folg nach als ich dich leren
31 wil in dem capitel von den bein brüchenn
32 on v`serung des fleisches.
33 Ob aber dir zuͦ kumpt ein gewu̅ter
34 durch hut fleisch vnnd das gebein/
35 vnd das geschehe̅ ist mit eine̅ scharfen
36 swert. messer. degen. oder ander
37 instrume̅t dem gelich. Soltu mercken
38 mit fliß ob das bein ein teil od`
39 gantz durch howen ist den langenn
40 weg od` vberzwerch/ oder ob etwas
41 von dem gebein enweg gehowen sy.
42 od`. ob es noch eins teils an d` vssern
Blatt 33 verso Sp. A
1 hut hanget/ oder ob do werent sprislin.
2 oder ob es sint bein die d` me̅sch
3 noturfft ist zuͦ haben als do sint roͤren
4 der arm. bein. oder hirn schalen
5 Oder ob es sint bein des der mensch
6 nit also gar noturfftig ist/ Als do
7 sint rypen. knü schiben elen bogen
8 spitz vnnd des gelichen. Zuͦ dem ersten
9 ist ein teil des beinß ab gehawe̅
10 mit einem scharpfen swert/ vnd dz
11 der paniculus dar mit vom bein gehawe̅
12 ist/ so ist swerlich das fleisch
13 zü geberen. Dar vmb gebürt fich
14 das bein zuͦ schaben mit etlichen instrumente̅/
15 dar durch da̅ das fleisch
16 wider vff dem bein geberenn mag
17 vnd die geberung geschicht mit vngento
18 aureo. scd`m Mesue. Darnach
19 soltu dar vff legen ein mudificatiuu̅
20 vn̅ co̅solitatiu̅ Dz ist ein
21 grün wu̅t plaster/ als do stat in dez
22 antidotario dz do abtilget de̅ vberflüssige̅
23 eitter mit dem zuͦ heilen/ so
24 es vor erfült ist mit dem fleisch Ob
25 aber were̅t etliche cleine sprisslin od`
26 stücklin/ des gelichen vo̅ dem gebei̅
27 vo̅ not gebürt sich die hübschlichen
28 vn̅ subtiliche̅ vß zuͦ neme̅ mit dine̅
29 instrumente̅ vn̅ dan zuͦ heilen als
30 ich vor gelert hab. Des geliche ob
31 einiche scharpfe stücklin für gienge̅
32 die soltu ab sniden mit diner segenn
33 als ich gemeldet hon in dem end d`
34 instrumente̅. Des gelichen ob ein
35 dünß stücklin des gebeines in dem
36 fleisch hing/ von not wegen muͦstu
37 das entledigen von dem fleisch vnd
38 die hut wider zuͦ same̅ gehefftet/ vn̅
39 dan gebunden wie ein ander wund
40 Ader wo es ein roͤr wer oder gelich
41 begriff/ ist noturfft das wider in sin
42 stat zuͦ drücken vnd regieren mit diner
43 hant/ vnd dar vber din gebend
Blatt 33 verso Sp. B
1 als ich sagenn würd in dem capitel
2 von den brüchen der gebein. Doch
3 also das das gebe̅d eim fenster hab
4 gegen der wunden/ das dü die wunden
5 allen tag binden magst/ nit dester
6 minder das gebend belib ligen
7 soͤlche wunde̅ sollent geheilt werde̅
8 wie ein andere wund Doch etwas
9 me mundificatiuu̅ vff das der eyter
10 dz gebein dester miner fület od` entlediget
11 sich Dar vm̅ muͦstu dester
12 me defensiuu̅ ab wenig des schade̅s
13 vm̅ das gelid legen/ dz dez gelid dester
14 miner zuͦ fließ etlich vberflüßig
15 geblüt vn̅ fuchtikeit die sich moͤht
16 matürren oder zuͦ eytter werde̅ dar
17 durch dz gebein dester lichfertiger i̅
18 ein fulu̅g/ od` entlediget würt ouch
19 das er hab ein guͦt regiment mit essen
20 vnd trincken/ dar zuͦ zu stuͦl zuͦ
21 gon die do vast hinderent die geberung
22 der apostomen. Wie wol Rasis
23 spricht in dem sybenden buͦch syner
24 cirurgia dz ma̅ de̅ bei̅ brüchige̅
25 gebe̅ sol grobe starcke spiß die do gebere̅
26 ei̅ grob vberflüssig geblüt das
27 dester e ein v`wesung des gebeinß geschiht.
28 Dz ist so die hut das fleisch
29 nit v`wu̅t ist/ die gebei̅ vo̅ lufft nit
30 berürt sint. Dar vm̅ soltu fliß habe̅
31 soͤlch wunde̅ d` gebein vo̅ stund
32 wid` zuͦ bringe̅ vn̅ zuͦ binde̅/ sich nit
33 zuͦ kere̅ an die wort lanckfra̅. sprechend
34 soͤlch bei̅schroͤtig wunde̅ nümer
35 sol die wu̅d geheilt werde̅ es sy da̅
36 6. od` .8. tag v`gange̅ folg d` lere
37 Auice̅. hali. abba. albuca. dz gehilt
38 wilhelmus theodoricus vo̅ stu̅d wider
39 zuͦ richte̅. zuͦ heffte̅ ab zuͦ stellen
40 die flüß d` aposte̅/ zuͦ binden wie ich
41 gelert hab. die wu̅d wurt geheilt on
42 vffbindu̅g des gebends der brüch.
43 merck ob ei̅ soͤlch v`wu̅du̅g geschehe
Blatt 34 recto Sp. A
1 Jn einem solche̅ gebein das do notturfftig
2 ist nümer me das vß zuͦ nemen
3 in keinen weg wie vil der stücklin
4 werenn/ als ver du kanst vnnd
5 magst soͤlche stücklin dar in zuͦ behalten
6 vnnd zuͦ fügen/ es wer dan
7 sach das es denn langenn weg were
8 vnd nit vberzwerch das den lib tragen
9 oder regieren solt. Als ich gesehen
10 hon in minen iungen tage̅/ als
11 ich alt was zehen iar von einem vnerfarnden
12 cirurgicus oder scherer/
13 dez zuͦ kam ein v`wunter vß wenig
14 vff der hant durch den stral/ das die
15 fünff anstossenden bein der finger
16 vbersich vff ragte̅. von vnuernu̅fft
17 zohe er sie alle vß. Wie iung ich wz
18 sprach ich d` würt nümer me gerad.
19 Dar vmb so die thür keine̅ angel
20 hat dar an sie hangt/ nümer me ka̅
21 sie vff nach zuͦ gon. Jch hab auch
22 gesehen zuͦ wirtzburg ein soͤlchen cirurgicuz
23 dem zuͦ kam ein gewunter
24 ob wenig des elenbogen ein zwerche
25 hant/ das die anstossende roͤr des elenboge̅s
26 her vsser stiessent. vo̅ stu̅d
27 an was er do mit sinez instrument
28 dz bein vß zuͦ ziehe̅ vn̅ behend sluͦg
29 ich im das instrument vß der hand
30 sprechend also/ was vernunfft dar
31 zuͦ gedechtniße hie gebruchet würt/
32 Sehent ir nit das der elenbogen an
33 dem gebein gen sol wie ein huß thür
34 in einem angel. vnd gebot in zuͦ binden
35 de̅ arm wie ein and` bein bruch
36 doch mit einem fenster da durch die
37 wund allenn tag moͤcht gereiniget
38 vnd gesübert werden wie vor statt
39 biß das ein volkumne settunge des
40 gebeinß dar zuͦ des fleisch geschach.
41 Das .13. capitel des
Blatt 34 recto Sp. B
1 andern tractatz würt sagen von de̅
2 engen wunden die do geschehen von
3 stechen
4 Nun ist zit mit der hilff gottes
5 fürbas zuͦ gon von den witten offenen
6 oder quetschten wunden als sie
7 geschehen sint in der hut. fleisch. geeder.
8 vnd gebein mit waffen oder ander
9 instrument Zuͦ den verborgene̅
10 tieffen vnd holen wunden mit verlierunge
11 der substantz oder nit/ wie
12 wol ich vor auch geschriben hab vo̅
13 den stiche̅ vn̅ stupfen der nerui od`
14 wilt wachs das sich doch an dem selbige̅
15 ort geburt Dar zuͦ vo̅ geschoß
16 pfil od` büchsen kloͤtz/ erheischet die
17 noturfft zuͦ schriben das regiment
18 vn̅ cur der selbigen wunden wie die
19 genant sint ouch zuͦ ordiniere̅ nach
20 dem bestenn als mir got verlihenn
21 welle. Die tieffen vnd v`borgenen
22 wundenn werdent dick curiert mit
23 trencken von ine̅ on hefften vn̅ binden
24 Wo aber das nit geschehe/ So
25 gebüt galienus i̅ tertio tegni den zuͦfluß
26 vn̅ die widerwertigenn teil ab zuͦ stellen.
27 vnd mit bequemer figur
28 sie zuͦ curiere̅. Durch die bequeme
29 figur v`stat Auice̅na das dz muntloch
30 der wunden sy alle wegen vnden/
31 vn̅ das tieff od` die hüle oben/
32 dz der vberfluß der füchte od` eytter
33 wol müg her vß gon vo̅ der figuren
34 vn̅ geschicklicheit/ sprechent die wysen
35 in scd`o ad glanconem. Wan er
36 heilt ei̅ tieffe wunde̅/ als ei̅ stich vn̅
37 dz munt loch der wunde̅ was in de̅
38 knü/ vn̅ der stich vndersich ab gie̅g
39 gege̅ dez schin bein/ so hieß er vff haben
40 dz schin bein vn̅ leit dz hoͤher da̅
41 dz knü. vff das die wund dester e geheilt
42 vnd dester miner gefult würt
Blatt 34 verso Sp. A
1 von dem eytter das selbig mag ma̅
2 ouch thuͦn/ mit dem arm mag ma̅
3 aber nit eyn schicklicheit thuͦn das
4 sich dz eyter her vsser setzet. nach die
5 wunde̅ wol reinige̅ müg mit etlichen
6 lauamenten mit dem in spritzen
7 als dar zuͦ gehoͤrt. So werd dz loch
8 nach dem rat Galieni in fine tertio
9 terape̅tis. Ob die wo̅d hab ein tieffe
10 hoͤlikeit vnd verborgenn so muͦstu
11 betrachten ob die wunde oder stich
12 wol moͤg gereiniget werde̅ oder nit.
13 Jst das zuͦ reinigen so reinig es mit
14 disem lauament vnd vßtrückung
15 den eytter mit einer guͦtten binden
16 vnd pülsterlin das anfahe an dem
17 grund vnd end des stichs oder wu̅den
18 vnd werd gebunden biß zuͦ dez
19 muntloch der wundenn ie lenger ie
20 liser vff das du den eyter nit hinder
21 sich bindest sunder das das muntloch
22 fry sy dar durch der vß fluß geschehen
23 sol. Mag aber das mit binden
24 nit gesin/ so muͦstu betrachten
25 ander vß fluß vnnd weg zuͦ suͦchen
26 vn̅ zuͦ machen vnd das geschicht in
27 zweyerley weg. Der ein/ das du anfahest
28 an dem munt der wundenn
29 vn̅ snidest die gantzen hüli zuͦ dem
30 zuͦ dem end der wunden ob das sin
31 mag etlicher adern nerui oder lacertenn
32 halp/ das do sint müß fleisch
33 vnd der edelen gelider. Der ander
34 sin ob der nit gesin mag ist das du
35 snidest das widerteil. das ist das du
36 im stossest ein v`suͦcher oder ein waßliechtlin
37 biß vff das ende/ So snid
38 dan das end vnnd mach dar in ein
39 loch das der eyter vn̅ fluß ouch zuͦ
40 dem selbigen end vß gereiniget werden
41 mag/ Vn̅ binde die wunde̅ in
42 der mitte wie vor gesaget ist zuͦ iede̅
Blatt 34 verso Sp. B
1 muntloch ie lyser vff das sie gereyniget
2 werd/ oder welles teil das niderst
3 ist dar durch der fluß vngehindert
4 vß fliessen mag. So bind das
5 widerteil. Aber Brunus in dez vffthuͦn
6 brucht er an beiden orte̅ meysselen.
7 Aber Guido nit me dan eine̅
8 vff das er dester minder smertze̅ habe.
9 Vn̅ dar vm̅ ein beschirmu̅g vn̅
10 dar vff ein mundificatiuu̅ vn̅ dar
11 nach incarnatiuu̅ vn̅ dar nach consolitatiuu̅/
12 dz ist ein reinigu̅g fleisch
13 zuͦ geberen/ vn̅ dar nach zu heilenn
14 als ein andere wund. Ob aber sach
15 were dz die wu̅d vil genge vn̅ hüle
16 het gewunne̅ dere̅ end du nit erkennen
17 künstest/ so gebürt sich die wunden
18 zu weschen mit de̅ nach genanten
19 lauament dz do etwas scharpff
20 ist vn̅ v`mist mit einer mundificierung
21 vn̅ werde in die wunde̅ gespritzet
22 ei̅ mal dry od` fiere/ vn̅ da̅ werd
23 die getrückett vn̅ gebunden in vor gemelter
24 massen vo̅ dez grund biß
25 zu dem munt d` wunde̅/ vn̅ werde
26 d` eytter vn̅ füchtikeit vß gezoge̅ mit
27 einer spritze̅/ vn̅ das ma̅ mit nichte̅
28 vnd`stand de̅ eytter mit der hend zuͦ
29 dem mund d` wunden vß zu triben
30 wan war vmb er wennet den eytter
31 zu der wunde̅ vß tribe̅ vn̅ trucket
32 ander bluͦt dar das moren ouch zuͦ
33 eytter wurt/ do mit die heilung gehi̅dert/
34 vn̅ das in ein fulung vnd verderbu̅g
35 kunmet als ich gesehen hab
36 in einer loͤblichen stat von den scherern
37 die der kunst vngeübt waren.
38 den zuͦ ka̅ ein wund in eim arm die
39 ward geapostemiert dz sie vil eyter
40 trug/ do vnderstunde̅t sie den eyter
41 allen tag vß zu drucken/ vnd mit
42 dem vß truccken druckten sie ander
Blatt 35 recto Sp. A
1 bluͦt dar das morn aber eytter gab
2 so lang biß nah das gelidt ga̅tz verdarb/
3 dz am erste̅ mit lichter arbeit
4 zuͦ gange̅ wer als ich im thet/ d` modus
5 wer gesin dz sie im hetten ein defensiuu̅
6 ob wenig der wunden vm̅
7 den arm geleit/ da mit den arm behuͦt.
8 Dz ander das sie hette̅ im ein
9 guͦt regime̅t gebe̅ mit essen vn̅ trincken
10 da vo̅ die füchtikeit vnd dz geplüt
11 geminert würt. Dz dritt das
12 sie loͤcher hette̅ gemacht an die nid`sten
13 teil des apostems/ vn̅ hette̅ vß gezogen
14 de̅ eytter mit einer spritzen/
15 Vnd ein lauame̅t/ dz ist ein weschu̅g
16 dar i̅ gespritzet/ dar mit die wu̅d
17 gereiniget vnd mit einer guͦtten rol
18 binden den arm gebugde̅ dz doch
19 kein hitz dar zuͦ kumen moͤcht. Jn
20 soͤlcher massen ich im auch det/ etwan
21 manich loch in vor gemelter
22 massen ich im macht den eyter mit
23 einer spritzen im vß zoh/ die andern
24 loͤcher ich im v`stopft/ ein mundificatiuu̅
25 ich dar in spritzet. Mit eim
26 guͦtten druckenen gebend ich das
27 band. im ein guͦt regiment gab mit
28 essen vn̅ trincken vnd stuͦl gengen/
29 Den zuͦ fluß oben ab stelt/ dz glid
30 ich beschirmet dar durch er wart geheilt/
31 an dem ietz was das man im
32 den arm absniden muͦst oder solt/
33 Darvm̅ han ich dir diß geschriben
34 das du dich wissest in soͤlchen holen
35 wunde̅ zuͦ richte̅ vff dz der mensch
36 nit verderb/ od` vm̅ ein gelidt kum
37 do dir groß schand vn̅ laster vff erstat
38 vn̅ erston mag. Dar vm̅ hab
39 fliß vnd sorg in diser wunden/ vnd
40 das lauament das do ist ein mu̅dificerung/
41 würt also gemacht vnd
42 das heilet alle hole wunde̅/ wan es
Blatt 35 recto Sp. B
1 reiniget vn̅ fleischet vnnd heilt dar
2 mit. Vn̅ ob einer schon durch den
3 lip geschossen/ gestoche̅ were dz sich
4 die wund fistilierenn wolt/ so spritz
5 es im lebelecht so zuhet es im allen
6 eyter vß/ vn̅ dz thuͦn zum tag 2. od`
7 3. mal dar nach der siech dz erliden
8 mag biß das wasser rein vß der wu̅den
9 gang.
10 Nim roß hunig gesigen. 6. lot.
11 Rot rosen pletter
12 Camillen bluͦmen. iedes .3. lot.
13 Mastix .1. lot.
14 Wirouch ein halp lot.
15 Mirren ein quintlin.
16 Fenum grecum ein quintlin
17 Jreos ein lot.
18 Welsch od` gesotte̅ elsesser win welchen
19 du habenn magst. 2. pfunt.
20 Spitz_ vn̅ breit wegerich wasser.
21 Korn rosen vn̅ beinhoͤltzin wasser
22 Caprifoliu̅ vn̅ eyche̅ loup wasser
23 Deren iedes ein halp pfunt. wiltu
24 es habe̅ dz es me drückenet den eiter
25 wert. Nim alun .1. lot Balausti.
26 Pessidie. vnd Nucis cypreß.
27 Orobi. al grob gestoße̅ iedes ei̅ qui̅t.
28 Sol es fleisch mache̅ wachsen tuͦn
29 dar in Sarcocolle ein lot. Jst die
30 wund hitzig. so thuͦn dar zuͦ ganfer
31 anderhalb quintlin. Die dorrung
32 werd also gemacht.
33 Nim walwurtz. 8. lot.
34 Harstranck. 4. lot. Alun. 2. lot.
35 Lesch wasser von ysen gedistilliert
36 per filtrum anderhalb maß. dz drit
37 teil ingesotte̅/ das wasser gewermet
38 die bind da in genetzt. dz glidt mit
39 v`bunde̅ wie vor stat. Jch groß di̅g
40 damit gethon hab/ dan geheilt mit
41 de̅ grüne̅ wu̅t plaster dz do mu̅dificiert.
42 attrahiert. i̅ antidotarius stat